ଚକ-ଅଖ ବନ୍ଦ, ଜରୁରୀ ସେବା ଜାରି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ଭାରତ ବନ୍ଦ । କେନ୍ଦ୍ର ସରକାରଙ୍କ ୩ ନୂଆ କୃଷି ଆଇନକୁ ପ୍ରତ୍ୟାହାର ଦାବିରେ ଆଜି ୧୨ ଘଣ୍ଟିଆ ଭାରତ ବନ୍ଦର ଡାକରା ଦେଇଛନ୍ତି କୃଷକ ସଂଗଠନ । ସକାଳ ୬ଟାରୁ ସନ୍ଧ୍ୟା ୬ଟା ଯାଏଁ ଆଜି ବନ୍ଦ ପାଳନ କରୁଛନ୍ତି ଚାଷୀ ସଂଗଠନ । କୃଷକ ମୋର୍ଚ୍ଚ ତରଫରୁ ଦିଆଯାଇଥିବା ଏହି ବନ୍ଦ ଡାକରାକୁ ସମର୍ଥନ କରିଛନ୍ତି ବିଭିନ୍ନ ରାଜନୈତିକ ଦଳ । ଓଡ଼ିଶାରେ ମଧ୍ୟ ବନ୍ଦକୁ ଦୃଷ୍ଟିରେ ରଖି ସ୍କୁଲ କଲେକୁ ଛୁଟି ଘୋଷଣା କରାଯାଇଛି ।

ରାଜ୍ୟର କଂଗ୍ରେସ ଓ ବାମଦଳ ଚାଷୀଙ୍କ ଏହି ବନ୍ଦ ଡାକରାକୁ ସମର୍ଥନ କରିଛନ୍ତି । ଦିଲ୍ଲୀର ସୀମାରେ ଚାଷୀମାନେ ଜାରି ରଖିଥିବା ଆନ୍ଦୋଳନକୁ ଆଜି ୪ମାସ ପୂରିଛି । ତଥାପି ସମସ୍ୟାର ସମାଧାନ ହୋଇପାରୁନଥିବାରୁୂ ଆଜି କୃଷକ ସଂଗଠନ ଭାରତ ବନ୍ଦ ଡାକରା ଦେଇଛିା ବନ୍ଦର ପ୍ରଭାବରେ ଦେଶର ସମସ୍ତ ସଡକ, ରେଳ ପରିବହନ ସମତେ ଦୋକାନ , ବଜାର ଓ ସର୍ବସାଧାରଣ ସ୍ଥାନ ବନ୍ଦ ରହିଛି। କିନ୍ତୁ ଜରୁରୀ ସେବା ଜାରିରହିଛି ବୋଲି କୃଷି ସଂଗଠନ ପକ୍ଷରୁ କୁହାଯାଇଛି ।