କାହାର ହେବ ଶିବସେନା ସମ୍ପତ୍ତି ?
ମୁମ୍ବାଇ (ବଡ଼ ଖବର ବ୍ୟୁରୋ): ଶିବସେନାର ଦଳୀୟ ଚିହ୍ନ ସିନ୍ଦେ ଗୋଷ୍ଠୀକୁ ମିିଳିବା ପରେ ଚର୍ଚ୍ଚା ଜୋର ଧରିଛି । ଦାଦର ଥିବା ଶିବସେନା ଭବନରେ ଉଦ୍ଧବ ଗୋଷ୍ଠୀର କବ୍ଚା ରହିଛି । ତେଣୁ ସିନ୍ଦେଙ୍କ ଶିବସେନା କବ୍ଚାରେ କଣ କଣ ରହିବ ତାହା ଉପରେ ଏବେ ନଜର । ସେପଟେ ଶିବସେନା ନିକଟରେ ୧୯୧.୮୨ କୋଟିର ସ୍ଥାବର ଅସ୍ଥାବର ସମ୍ପତ୍ତି ରହିଛି । ଏଥି ସହ ମୁମ୍ବାଇରେ ୨୮୦ ଓ ରାଜ୍ୟର ବିଭିନ୍ନ ସ୍ଥାନରେ ୮୨ ଶାଖା କାର୍ଯ୍ୟାଳୟ ରହିଛି ।
ଅନ୍ୟପଟେ ନିୟମ ଅନୁସାରେ ପାର୍ଟି ଉପରେ କବ୍ଚା ଏବଂ କୋଷାଧ୍ୟକ୍ଷ ନିଯୁକ୍ତି ହେବା ପରେ ସମସ୍ତ ସମ୍ପତ୍ତି ଓ ପାଣ୍ଠି ଆପେ ଆପେ ଶିବସେନା ନିକଟକୁ ହିଁ ଯିବ । ଆଗକୁ ମୁମ୍ବାଇ ସମେତ ରାଜ୍ୟର ଅନେକ ସହରରେ ପୌରପାଳିକା ନିର୍ବାଚନ ନିର୍ବାଚନ ହେବ । ଏହି ସମୟରେ ପାଣ୍ଠିର ଆବଶ୍ୟକତା ରହିଥିବାରୁ ଶିବସେନା ପାଣ୍ଠିକୁ ସିନେ୍ଦ ଗୋଷ୍ଠୀ ନେବ ନା ଉଦ୍ଧବ ଗୋଷ୍ଠୀକୁ ଛାଡ଼ିଦେବେ ତାହା ଦେଖିବାର କଥା ।