କକାପୁତୁରାଙ୍କୁ ଦଳି ଦେଲା ଦନ୍ତା

ରେଢାଖୋଲ (ବଡ଼ ଖବର ବ୍ୟୁରୋ): କକାପୁତୁରାଙ୍କୁ ଦଳି ମାରିଦେଲା ହାତୀ । ରେଢ଼ାଖୋଲ ନାକଟିଦେଉଳ ରାସ୍ତାର ଡ଼ିମିରିକୁଦା ନିକଟରେ ହାତୀ ଆକ୍ରମଣରେ କକା-ପୁତୁରା ମୃତ । ମୃତକମାନେ ହେଲେ ରେଢ଼ାଖୋଲ ଥାନା ଡ଼ିମିରିକୁଦା ଗ୍ରାମର ଦୁଃଶାସନ ଭୋଇ ଏବଂ ନତିକ ଭୋଇ । ଗତ ସନ୍ଧ୍ୟାରେ ଗ୍ରାମ ଠାରୁ ପ୍ରାୟ ଅଧା କି. ମି. ଦୂର ରାସ୍ତା ପାର୍ଶ୍ୱ ଜଙ୍ଗଲକୁ ଛତୁ ଖୋଜିବାକୁ ଯାଇଥିବାବେଳେ ହାତୀ ହାବୁଡ଼ରେ ପଡ଼ିଥିଲେ ।

ତେବେ ଦୀର୍ଘ ସମୟ ଧରି ଘରକୁ ନ ଫେରିବାରୁ ପରିବାରଲୋକେ ବିଭିନ୍ନ ଆଡେ ଖୋଜାଖୋଜି ଆରମ୍ଭ କରିଥିଲେ । ତେବେ ଶୁକ୍ରବାର ସକାଳୁ ଲୋକେ ପୁଣିଥରେ ଖୋଜାଖୋଜି କରିବାରୁ ରେଢ଼ାଖୋଲ ନାକଟିଦେଉଳ ରାସ୍ତା ପାର୍ଶ୍ୱ ଜଙ୍ଗଲରୁ କକା-ପୁତୁରା ଦୁଇ ଜଣଙ୍କ ମୃତ ଦେହ ଉଦ୍ଧାର କରିଥିଲେ ।