ସ୍ୱାମୀକୁ ମାରିଲା ସ୍ତ୍ରୀ

ବାଲିପାଟଣା(ବଡ଼ ଖବର ବ୍ୟୁରୋ): ସ୍ୱାମୀକୁ ମାରି ପୋତି ଦେଇଛି ସ୍ତ୍ରୀ । ବାଲିପାଟଣା ଥାନା ବନମାଳିପୁର ଗ୍ରାମରେ ଘଟିଛି ହତ୍ୟାକାଣ୍ଡ । ଅଭିଯୁକ୍ତ ହେଲେ ଲିଲି ଗିରି । ସ୍ୱାମୀ ନିଧିରାମ ଗିରିଙ୍କ ମୁଣ୍ଡକୁ ହେମଦସ୍ତାରେ ପିଟି ମାରିଦେଇଥିଲେ । ପରେ ପୋଡ଼ି ହାଡ ପାଉଁଶକୁ ବାରିପଟେ ପୋତି ଦେଇଥିଲେ ଲିଲି । ମାତ୍ର ଗାଁ ଲୋକଙ୍କୁ ଲିଲି କହିଥିଲେ ତାଙ୍କ ସ୍ୱାମୀ ନିଧିରାମ ଫେରାର ଅଛନ୍ତି । ପାରିବାରିକ କଳହକୁ ନେଇ ଏପରି ହତ୍ୟାକାଣ୍ଡ ଘଟିଛି ବୋଲି ଜଣାପଡ଼ିଛି । ଅଭିଯୁକ୍ତ ଦୋଷ ସ୍ୱୀକାର କରିବା ପରେ ଗ୍ରାମବାସୀ ପୋଲିସକୁ ଜଣାଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।