କଳାହାଣ୍ଡି (ବଡ଼ ଖବର ବ୍ୟୁରୋ): ମମିତା ମେହେର ହତ୍ୟା ମମଲାରେ ଅଭିଯୁକ୍ତ ଗୋବିନ୍ଦ ସାହୁଙ୍କୁ କଠୋରରୁ କଠୋର ଦଣ୍ଡ ଦିଆଯାଉ । ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ପଦବୀରୁ ହଟାଯାଉ । ଏହି ମାମଲାରେ ଜଡ଼ିତ ସମସ୍ତ ଅଭିଯୁକ୍ତଙ୍କୁ ଗିରଫ ଦାବିରେ ଓଡ଼ିଶା ଜଳୁଛି । କଳାହାଣ୍ଡିରୁ କଟକ, ମାଲକାନଗିରିରୁ ମୟୂରଭଞ୍ଜ ସବୁଠି ମମିତା ତାତି । ବିରୋଧୀ କରିଛନ୍ତି ମୁଖ୍ୟ ପ୍ରସଙ୍ଗ । କିନ୍ତୁ ପୋଲିସ ପାଖରେ ୫୪ ଟି ପ୍ରମାଣ ଥିଲେ ମଧ୍ୟ ଉପଯୁକ୍ତ ତଦନ୍ତ ହେଉନାହିଁ ।
ତଦନ୍ତ ସମ୍ପର୍କରେ ପୋଲିସ ସୂଚନା ଦେଉନାହିଁ । ମୋଟ ୫୪ ଟି ସାମଗ୍ରୀ ପୋଲିସ ଫରେନସିକ ପରୀକ୍ଷା ପାଇଁ ପଠାଇଥିବା ଆଲୋଚନା ହେଉଛି । ମମିତା ହତ୍ୟା ମାମଲାରେ କେହି ପ୍ରତ୍ୟକ୍ଷଦର୍ଶୀ ନାହାନ୍ତି । କିନ୍ତୁ ୫୪ ଟି ସାମଗ୍ରୀ ମୁଖ୍ୟ ପ୍ରମାଣ ହେବ ବୋଲି କୁହାଯାଉଛି । ନଭେମ୍ବର ୨ରେ ଜହ୍ଲାଦ ଗୋବିନ୍ଦ ଓ ରାଧେଙ୍କୁ କୋର୍ଟରେ ହାଜର କରାଯିବ । ପୋଲିସର ପ୍ରମାଣ ଗୋବିନ୍ଦ ଫାଶୀ ଖୁଣ୍ଟରେ ଝୁଲିବା ପାଇଁ ଯଥେଷ୍ଟ ହେବ ତ ? ସବୁଠୁ ବଡ଼ କଥା ହେଉଛି ମନ୍ତୀ ଦିବ୍ୟଶଙ୍କରଙ୍କ ପରମ ଭକ୍ତ ଗୋବିନ୍ଦ ସାହୁ ।
ମନ୍ତ୍ରୀଙ୍କ ଅଜ୍ଞାତରେ ସେ କୌଣସି କାମ କରନ୍ତି ନାହିଁ । ମମିତା ସମ୍ପର୍କରେ ମଧ୍ୟ ମନ୍ତ୍ରୀଙ୍କ ସହ ଆଲୋଚନା କରିଥାଇ ପାରନ୍ତି । ତେବେ ମନ୍ତ୍ରୀଙ୍କୁ ପୋଲିସ କାହିଁକି ତଦନ୍ତ ପରିସର ଭୁକ୍ତ କରୁନାହିଁ । ନୟାଗଡ଼ର କୁନି ଝିଅ ପରୀ ଘଟଣାରେ ପୋଲିସ ଟିକନିଖ ତଥ୍ୟ ଦେଉଥିଲା । କିନ୍ତୁ ମମିତା ଘଟଣାରେ ପୋଲିସ କାହିଁକି ମୁହଁ ଖୋଲୁନି । ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଭାବମୂର୍ତ୍ତି ଅକ୍ଷୁର୍ଣ୍ଣ ରଖିବାକୁ ପୋଲିସ ଉଦ୍ୟମ କରୁନାହିଁ ତ ।
