ମହିଳା ହେବେ ସ୍ୱାବଲମ୍ବୀ

କୋଟପାଡ଼(ବଡ ଖବର ବ୍ୟୁରୋ): କୋଟପାଡ଼ ଏନଏସି ପକ୍ଷରୁ ବର୍ଜ୍ୟବସ୍ତୁ ସୂଚାରୁରୂପେ ପରିବହନ ପାଇଁ ଓଡ଼ିଶା ସହରାଞ୍ଚଳ ବିକାଶ ବିଭାଗ ପକ୍ଷରୁ ଯୋଗାଇ ଦିଆଯାଇଛି ୪ ଗୋଟି ଅତ୍ୟାଧୁନିକ ଗାଡ଼ି । ଏହାର ମୂଲ୍ୟ ୯ ଲକ୍ଷ ୯୮ ହଜାର ଟଙ୍କା । ଏହି ବ୍ୟାଟେରି ଚଳିତ ଗାଡ଼ିକୁ ନ୍ୟଵର ନବରଙ୍ଗପୁର ସାଂସଦ ରମେଶ ମାଝୀ ଓ କୋଟପାଡ଼ ବିଧାୟିକା ପଦ୍ମିନୀ ଦିଆନ ଶୁଭାରମ୍ଭ କରିଛନ୍ତି । ଏହି ବ୍ୟାଟେରି ଚଳିତ ଗାଡ଼ିକୁ ସ୍ଵୟଂ ସହାୟକ ଗୋଷ୍ଠୀ ପରିଚାଳନା କରିବେ । ସେମାନଙ୍କ ପାଉଣା ସିଧାସଳଖ ସେମାନଙ୍କ ବ୍ୟାଙ୍କ ଆକାଉଣ୍ଟକୁ ପଠାଯିବ । ପ୍ରଥମରୁ ଦୁଇଟି ଗାଡି ସହରରେ ବୁଲୁଥିଲା । କିନ୍ତୁ ଲୋକମାନେ ଆବଶ୍ୟକ ସେବା ପାଉନଥିଲେ । ଏବେ ସହର ସୁନ୍ଦର ହେବା ସହିତ ମହିଳାମାନେ ସ୍ୱାବଲମ୍ବୀ ହୋଇପାରିବେ ବୋଲି କହିଛନ୍ତି ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ।