ଜାହିର ଖାନ @ ୪୨
ମୁମ୍ବାଇ, (ବଡ଼ ଖବର ବ୍ୟୁରୋ): ୪୨ ବର୍ଷରେ ପଦାର୍ପଣ କରିଛନ୍ତି ଭାରତର ପୂର୍ବତ୍ତନ ବାମହାତୀ ଦ୍ରୁତ ବୋଲର ତଥା ୨୦୧୧ ବିଶ୍ୱକପ ବିଜୟୀ ଦଳର ସଦସ୍ୟ ଜାହିର ଖାନ। ସେ ୧୯୭୮ ମସିହା ଅକ୍ଟୋବର ୭ରେ ମହାରାଷ୍ଟ୍ରର ଶ୍ରୀରାମପୁରରେ ଜନ୍ମଗ୍ରହଣ କରିଥିଲେ। ୧୯୯୬ରେ ବରୋଦାରୁ ନିଜର ଘରୋଇ କ୍ରିକେଟ୍ କ୍ୟାରିୟର ଆରମ୍ଭ କରିଥିଲେ। ଜାହିର ୨୦୦୦ ଅକ୍ଟୋବର ୩ରେ କେନିଆ ବିପକ୍ଷରେ ଭାରତ ପକ୍ଷରୁ ପ୍ରତିନିଧିତ୍ୱ କରି ଦିନିକିଆ ଦଳରେ ପ୍ରଥମଥର ସ୍ଥାନ ପାଇ ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ। ସେହି ବର୍ଷ ନଭେମ୍ବର ୧୦ରେ ବାଙ୍ଗାଲାଦେଶ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ। ସେହିପରି ୨୦୦୬ ଡିସେମ୍ବର ୧ରେ ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ଟି-୨୦ ମ୍ୟାଚ୍ ଖେଳିଥିଲେ। ୨୦୧୧ ଦିନିକିଆ ବିଶ୍ୱକପ ବିଜୟୀ ଦଳର ସେ ଜଣେ ପ୍ରମୁଖ ସଦସ୍ୟ ଥିଲେ। ୨୦୧୧ ବିଶ୍ୱକପରେ ସର୍ବାଧିକ ୱିକେଟ୍ ନେଇଥିବା ବୋଲର ଥିଲେ ଜାହିର। ସେ ୯ଟି ମ୍ୟାଚରେ ୨୧ ୱିକେଟ୍ ନେଇଥିଲେ। ନିଜ ଅନ୍ତର୍ଜାତୀୟ କ୍ରିକେଟ କ୍ୟାରିୟରରେ ଜାହିର ଟେଷ୍ଟରେ ୩୧୧ ଓ ଦିନିକିଆରେ ୨୮୨ ୱିକେଟ୍ ଅକ୍ତିଆର କରିଛନ୍ତି। ଅନ୍ତର୍ଜାତୀୟ କ୍ରିକେଟରେ ଜାହିର ଖାନ ପ୍ରଥମ ବୋଲର ଥିଲେ ଯିଏ ନକଲ୍ ବଲର ପ୍ରଥମ ପ୍ରୟୋଗ କରିଥିଲେ। ୨୦୧୧ ବିଶ୍ୱକପରେ ନକଲ୍ ବଲର ପ୍ରଥମ ପ୍ରୟୋଗ କରିଥିଲେ। ଅନ୍ତର୍ଜାତୀୟ ମ୍ୟାଚ ବ୍ୟତୀତ ସେ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ ଡେୟାର ଡେଭିଲ୍ସ ପକ୍ଷରୁ ଖେଳିଥିଲେ। ଜାହିର ୨୦୧୫ ଅକ୍ଟୋବର ୧୫ରେ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେଇଥିଲେ।
Many happy returns of the day fella @ImZaheer. Wishing you a year filled with happiness and success. Enjoy the day. ☺️
— Virat Kohli (@imVkohli) October 7, 2020
Happy Birthday Zakeshwar Baba.
The man who has the best advice and interesting gyaan on everything.
Khaao Mast Kheer,because it is janamdin of Zaheer. pic.twitter.com/RG4R6KnKgI— Virender Sehwag (@virendersehwag) October 7, 2020
What Zaheer Khan doesn't know about pace bowling is not worth knowing. A champion bowler, a selfless mentor and now a successful coach. On this special day, here's a shout-out for the modest man with a PhD in pace bowling. Happy Birthday Dr Zak. pic.twitter.com/0lYx7WbXjA
— Mohammad Kaif (@MohammadKaif) October 7, 2020
ଆଜି ଜାହିରଙ୍କ ଜନ୍ମଦିନରେ ଭାରତୀୟ ଦଳର ଅଧିନାୟକ ବିରାଟ କୋହଲିଙ୍କ ସମେତ ବହୁ କ୍ରିକେଟର ତାଙ୍କୁ ଅଭିନନ୍ଦନ ଜଣାଇଛନ୍ତି।