କବିସୂର୍ଯ୍ୟନଗର ପୋଲିସକୁ ବିରୋଧ କରି ଥାନା ଘେରାଉ କଲା ବିଜେପି

କବିସୂର୍ଯ୍ୟନଗର (ବଡ଼ ଖବର ବ୍ୟୁରୋ): ଆଠଗଡ଼ ଦଣ୍ଡନାଚ ଭୋଜି ବେଳେ ଦୁଇଗୋଷ୍ଠୀ ମଧ୍ୟରେ ଗଣ୍ଡଗୋଳ । ଯାହାକୁ ନେଇ ବିଜେପି ଓ ବିଜେଡି ମଧ୍ୟରେ ହାତାହାତି ପରିସ୍ଥିତି । ପରେ କବିସୂର୍ଯ୍ୟନଗର ଥାନାରେ ୨ ଟି ମାମଲା ହେଲା ରୁଜୁ । ଉଭୟ ପକ୍ଷଙ୍କୁ କବିସୂର୍ଯ୍ୟନଗର ପୋଲିସ ଥାନାକୁ ଆଣି ବୁଝାସୁଝା କରିବା ସହ ସମାଧାନ ପାଇଁ ଦୀର୍ଘ ସମୟ ଅଟକ ରଖିଥିଲା । ହେଲେ ଏହାପରେ ଏକତରଫା କାର୍ୟ୍ୟାନୁଷ୍ଠାନ ନେଇଛି ପୋଲିସ । ବିଜେଡିର ଜଣକୁ ଗିରଫ କରିଥିବା ବେଳେ ବିଜେପିର ୪ ଜଣଙ୍କ ଉପରେ ୩୦୭ ରେ ମାମଲା ରୁଜୁ କରି କୋର୍ଟ ଚାଲାଣ କରିଛି ।

ତେବେ ଏହାକୁ ଏକତରଫା କାର୍ୟ୍ୟାନୁଷ୍ଠାନ କହି ଅଭିଯୋଗ କରିଛି ବିଜେପି । ଏହା ବିରୋଧରେ ୨ ଘଣ୍ଟା ଧରି ଥାନା ଘେରାଉ କରିଛନ୍ତି ବିଜେପି ନେତା ଓ କର୍ମୀ । ପୋଲିସର ଏକ ପାଖିଆ କାର୍ୟ୍ୟାନୁଷ୍ଠାନ ନେଇ ଆସିକା ବିଜେପି ସାଂସଦ ପ୍ରାର୍ଥୀନୀ ଅନୀତା ଶୁଭଦର୍ଶନୀ, କବିସୂର୍ୟ୍ୟନଗର ବିଜେପି ବିଧାୟକ ପ୍ରାର୍ଥୀ ପ୍ରତାପ ନାୟକ ପ୍ରଶ୍ନ ଉଠାଇବା ସହ ବର୍ଷିଛନ୍ତି।