ଦେବଭୂମିରେ ମୋଦିଙ୍କ ପୂଜାର୍ଚ୍ଚନା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିନକିଆ ଉତ୍ତରାଖଣ୍ଡ ଗସ୍ତରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି । ସେଠାରେ ପହଞ୍ଚି ସେ ପ୍ରଥମେ ପିଥୋରଗଡରେ ଥିବା ପାର୍ବତୀ କଣ୍ଡରେ ପୂଜାର୍ଚ୍ଚନା କରିଛନ୍ତି । ଆଜି ସକାଳ ସମୟରେ ମୋଦି ପିଥୋରଗଡ଼ରେ ପହଞ୍ଚିଥିଲେ । ସର୍ବଦା ପୋଷାକ ପାଇଁ ଚର୍ଚ୍ଚାକୁ ଆସୁଥିବା ମୋଦି ଆଜି ମଧ୍ୟ ଆଧ୍ୟାତ୍ମିକ ପୋଷାକ ପରିଧାନ କରି ପାର୍ବତି କୁଣ୍ଡରେ ପ୍ରାର୍ଥନା କରିଛନ୍ତି । ନିଜେ ଶଙ୍ଖ ଫୁଙ୍ଖିବା ସହ ଡମ୍ବରୁ ବଜାଇ ମୋଦି କରିଥିଲେ ପ୍ରାର୍ଥନା । ପ୍ରଧାନମନ୍ତ୍ରୀଙ୍କ ସହ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍ପକ ସିଂହ ଧାମି ମଧ୍ୟ ସେଠାରେ ଉପସ୍ଥିତ ଥିଲେ । ପ୍ରାକୃତିକ ସୌନ୍ଦର୍ଯ୍ୟ ପାଇଁ ପ୍ରସିଦ୍ଧ ଦେବଭୂମି ଉତ୍ତରାଖଣ୍ଡକୁ ଆଜି ୪୨ ଶହ କୋଟି ଟଙ୍କାର ପ୍ରକଳ୍ପ ଭେଟି ଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।