ପୁଅ ଭାଙ୍ଗିଦେଲା ମା’ଙ୍କ ସ୍ଵପ୍ନ

ସୋର (ବଡ଼ ଖବର ବ୍ୟୁରୋ): ମା’ଙ୍କ ସ୍ଵପ୍ନ ଅଧା ରହିଗଲା । ପୁଅ ଭାଙ୍ଗିଦେଲା ମା’ଙ୍କ ସ୍ଵପ୍ନ । ପ୍ରତ୍ୟେକ ମା’ଙ୍କ ଆଶା ଥାଏ ପୁଅ ବଡ଼ ହେଲେ ତାକୁ ବହାଘର କରେଇବ । ଆଉ ଟିକେ ସୁଖରେ ଦିନ କାଟିବ । ଘରକୁ ବହୁଟିଏ ଆସିବ । ଜୀବନର ଶେଷ ମୁହୁର୍ତ୍ତରେ ପୁଅବହୁଙ୍କ ସେବାଯତ୍ନ ଟିକେ ପାଇବ ।

ପୁଅ ବାହାଘର ପାଇଁ ଝିଅ ଖୋଜା ବି ସରିଥିଲା । ବାକି ଥିଲା କେବଳ ବାହାଘର ତାରିଖ । ହେଲେ ସବୁ ସ୍ବପ୍ନସ୍ବପ୍ନ ହୋଇ ରହିଗଲା । ବେକରେ ଦଉଡି ଦେଇ ପୁଅ କଲା ଆତ୍ମହତ୍ୟା ।

ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ସୋର ବ୍ଲକ୍ କେଶରିପୁର ଗ୍ରାମରେ । କେଶରିପୁର ଗ୍ରାମର ମହେଶ୍ବର ମଳିକ ଓ ସାବିତ୍ରୀ ମହାଳିକଙ୍କ ପୁଅ ଅଜୟ ଶନିବାର ରାତିରେ ବେକରେ ଦଉଡି ଦେଇ ଆତ୍ମହତ୍ୟା କରିଥିଲେ । କେଉଁ କାରଣରୁ ଅଜୟ ବେକରେ ଦଉଡି ଦେଇ ଆତ୍ମହତ୍ୟା କରିଛନ୍ତି ତାର କାରଣ ଜଣାପଡି ନାହିଁ । ସୋର ପୋଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ପଠାଇଛି ।