ଭୁଲ ଚିକିତ୍ସା ଯୋଗୁଁ ନଷ୍ଟ ହୋଇଗଲା ବୃଦ୍ଧାଙ୍କ ଆଖି

ଜଳେଶ୍ୱର(ବଡ଼ ଖବର ବ୍ୟୁରୋ): ଭୁଲ ଇଂଜେକ୍ସନ ପାଇଁ ଆଖି ହରାଇଲେ ବୃଦ୍ଧା । ଭୂମିକା ଚକ୍ଷୁ ହସ୍ପିଟାଲ ନାମ ରେ ସଙ୍ଗିନ ଅଭିଯୋଗ । ଭୁଲ ଚିକିତ୍ସା ଯୋଗୁଁ ବୃଦ୍ଧାଙ୍କ ଆଖି ନଷ୍ଟ ହୋଇଥିବା ଅଭିଯୋଗ। ସୂଚନା ମୁତାବକ ବାଲେଶ୍ବର ଜିଲ୍ଲା ଜଳେଶ୍ୱର ଭୂମିକା ଚକ୍ଷୁ ହସ୍ପିଟାଲର ମୋତିଆ ବିନ୍ଦୁ କ୍ୟାମ୍ପ ଚାଲନ୍ତି ଗ୍ରାମରେ ଗତ ସେପ୍ଟେମ୍ବର ୭ ତାରିଖରେ ଆୟୋଜନ କରାଯାଇଥିଲା । ଉକ୍ତ କ୍ୟାମ୍ପ ରେ ବାସନ୍ତି ନନ୍ଦି(୭୧) ନାମକ ବୃଦ୍ଧାଙ୍କର ଅସ୍ତ୍ରୋପଚାର କରାଯାଇଥିଲା । ପରେ ବୃଦ୍ଧା ଜଣକ ହସ୍ପିଟାଲରେ ଚିକିତ୍ସା ପାଇଁ ପହଞ୍ଚି ଆଖିରେ ଏକ ଇଂଜେକସନ ଦିଆ ଯାଇଥିଲା । ଇଂଜେକସନ ଦେବାର ଦୁଇ ଦିନ ପରେ ବୃଦ୍ଧାଙ୍କ ଆଖି ସମ୍ପୂର୍ଣ୍ଣ ନଷ୍ଟ ହୋଇ ଥିବା ଅଭିଯୋଗ କରିଛନ୍ତି ପରିବାର ଲୋକେ।