ମନରେଗା ଯୋଜନାରେ ମହାଘୋଟାଲା, କେନାଲ ନାଁରେ ଲକ୍ଷାଧିକ ଟଙ୍କା ହରିଲୁଟ

ସାହାରପଡା(ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ସାହାରପଡା ବ୍ଳକ ମଲାରପଦା ପଞ୍ଚାୟତ ମଲାରପଦା ମହାନ୍ତ ସାହି ଠାରୁ କଣ୍ଡାରାବେଡା ପର୍ଯ୍ୟନ୍ତ କେନାଲ ନାଁରେ ମନରେଗା ଯୋଜନାରେ ମିଛ ବିଲ୍ କରି ଲକ୍ଷାଧିକ ଟଙ୍କା ଲୁଟ । ୬ ଲକ୍ଷ ୪ ହଜାର ୧୫୩ ଟଙ୍କା ୪୯ ପଇସା ସରକାରୀ ଟଙ୍କାକୁ ଚଳୁ ହୋଇଥିବା ଅଭିଯୋଗ ହୋଇଛି ।

ପୂର୍ବରୁ ମଧ୍ୟ ଏହାକୁ ନେଇ ବଡ଼ ଖବର ରେ ଖବର ପ୍ରସାରିତ କରିଥିଲୁ ହେଲେ ଏତେ ବଡ଼ ଅଭିଯୋଗ ପରେ ମଧ୍ୟ ଥରୁ ଟିଏ ବି ଘଟଣା ସ୍ଥଳକୁ ଗଲେ ନାହିଁ ବ୍ଳକ ଗୋଷ୍ଠୀ ଉନ୍ନୟନ ଅଧିକାରୀ ମାଧବ ଚନ୍ଦ୍ର ବିରୁଆ । ଏଥିରୁ ସ୍ପଷ୍ଟ ବାରି ହୋଇ ପଡୁଛି ଯେ ଏଥିରେ ବିଡ଼ିଓଙ୍କ ଭୂମିକା ବି ଅଛି। ଯେତେବେଳେ ଏ ଘଟଣା ସଂପର୍କରେ ଆମେ ବିଡ଼ିଓ ଙ୍କୁ ଅବଗତ କରିଥିଲୁ ସେତେବେଳେ ବିଡ଼ିଓ କହୁଛନ୍ତି ମୁଁ କହିଲେ କେନ୍ଦୁଝର ଜିଲ୍ଲା ବଦନାମ ହୋଇଯିବ । ଏଥିପ୍ରତି ଆଗକୁ ଦୃଷ୍ଟି ନଦେଲେ ଆଗାମୀ ଦିନରେ ତିବ୍ର ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ସ୍ଥାନୀୟ ଲୋକେ ।