ଲୁଟି ନେଲେ ଲକ୍ଷାଧିକ ଟଙ୍କାର ସୁନା
ଜଗନ୍ନାଥପ୍ରସାଦ(ବଡ଼ ଖବର ବ୍ୟୁରୋ): ଜଗନ୍ନାଥପ୍ରସାଦ ଥାନା ଜିରାବାଡି ଗ୍ରାମରୁ ଦୁଇ ମହିଳାଙ୍କ ଠାରୁ ଲକ୍ଷାଧିକ ଟଙ୍କାର ସୁନାଗହଣା ଲୁଟ ହୋଇଥିବା ଖବର ସାମ୍ନାକୁ ଆସିଛି । ଶୁକ୍ରବାର ଅପରାହ୍ନରେ ଦୁଇ ଅଚିହ୍ନା ଵ୍ୟକ୍ତି ଜିରାବାଡ଼ି ଗ୍ରାମରେ ରହୁଥିବା ପୁଷ୍ପାଞ୍ଜଳି ଦାଶ ଓ ବିଷ୍ଣୁପ୍ରିୟା ଦାଶଙ୍କ ଘରେ ପହଂଚି ନିଜକୁ ସୁନାରୂପା କାରିଗର ପରିଚୟ ଦେଇ ପରେ ଘରୁ ସେସବୁ ଚୋରି କରିନେଇଥିଲେ । ସେମାନେ ଚାଲିଯିବାର ପ୍ରାୟ ୩୦ ମିନଟ ପରେ ବିଷ୍ଣୁପ୍ରିୟା ଓ ପୁଷ୍ପାଞ୍ଜଳି ସୁନା ନଥିବା ଜାଣିବାକୁ ପାଇଥିଲେ। ଗହଣା ବିଷୟରେ ସ୍ଥାନୀୟ ଲୋକଙ୍କୁ ଜଣାଇଥିଲେ। ସ୍ଥାନୀୟ ଲୋକଙ୍କ ଠାରୁ ଖବର ପାଇଁ ପୋଲିସ ଘଟଣା ସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଥିଲା ।