ରାଜଧାନୀରେ ୧୭୮୧ ଡେଙ୍ଗୁ ଚିହ୍ନଟ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବ୍ୟାପୁଛି ଡେଙ୍ଗୁ । ରାଜଧାନୀରେ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି। ଆଉ କିଛି ଦିନ ଗଲେ ଡେଙ୍ଗୁ ୨ ହଜାର ଛୁଇଁବ । ସୋମବାର ୫୧ ଡେଙ୍ଗୁ ରୋଗୀ ପୁଣି ଚିହ୍ନଟ ହୋଇଛନ୍ତି । କେବଳ କ୍ୟାପିଟାଲ ହସ୍ପିଟାଲକୁ ଆସି ୧ ହଜାରରୁ ଅଧିକ ଆକ୍ରାନ୍ତ ଡେଙ୍ଗୁ ପରୀକ୍ଷା କରିଛନ୍ତି । ବର୍ତ୍ତମାନ ସୁଦ୍ଧା ଭୁବନେଶ୍ୱରରେ ୧୭୮୧ ଡେଙ୍ଗୁ ରୋଗୀ ଚିହ୍ନଟ ହେଲେଣି ।
ପ୍ରତିଦିନ ଶତାଧୀକ ରୋଗୀ କ୍ୟାପିଟାଲ ହସ୍ପିଟାଲକୁ ଆସି ଡେଙ୍ଗୁ ପରୀକ୍ଷା କରୁଛନ୍ତି । ସେଥିମଧ୍ୟରୁ ଅଧିକାଂଶ ଆକ୍ରାନ୍ତ ବାହାରୁଥିବାରୁ ଚିକିତ୍ସିତ ହେଉଛନ୍ତି । ଭୁବନେଶ୍ୱରରୁ ଡେଙ୍ଗୁ କମିବାର ନା ଧରୁନାହିଁ । ସବୁ ଅଞ୍ଚଳରୁ ଡେଙ୍ଗୁ ବ୍ୟାପିଗଲାଣି । ତେବେ ବର୍ତ୍ତମାନ ରାଜ୍ୟରେ ଡେଙ୍ଗୁ ସଂଖ୍ୟା ୧୭୮୧ ରେ ପହଞ୍ଚିବା ବେଳେ ଏମାନଙ୍କ ମଧ୍ୟରୁ ୧୧୭୭ ଆରୋଗ୍ୟ ଲାଭ କରିଛନ୍ତି । ଦିନକୁ ଦିନ କ୍ୟାପିଟାଲ ହସ୍ପିଟାଲ ସମେତ ସହରାଞ୍ଚଳ ସ୍ୱାସ୍ଥ୍ୟକେନ୍ଦ୍ରଗୁଡିକରେ ଡେଙ୍ଗୁ ରୋଗୀଙ୍କ ଭିଡ ଜମୁଥିବାର ଦେଖିବାକୁ ମିଳୁଛି ।
