କାଲି ଠାରୁ ଭବାନୀପୁର ନିର୍ବାଚନ ପାଇଁ ପ୍ରଚାର କରିବେ ମମତା

କୋଲକାତା: ସାରା ଦେଶର ନଜର ବର୍ତ୍ତମାନ ପଶ୍ଚିମବଙ୍ଗ ରାଜନୀତି ଉପରେ । ଏହା ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କର ନିର୍ବାଚନ ପ୍ରଚାର ଆରମ୍ଭ କରିବା ପାଇଁ ଯାଉଛନ୍ତି । ଆସନ୍ତା କାଲି ଠାରୁ ଭବାନୀପୁର ବିଧାନସଭା ଉପନିର୍ବାଚନ ପାଇଁ ମମତା ପ୍ରଚାର ଆରମ୍ଭ କରିବେ ବୋଲି ସୂଚନା ମିଳିଛି ।

ଆସନ୍ତାକାଲି ଅପରାହ୍ନ ୩ଟାରେ ଦିଦି ଗୋଟିଏ ଅଡିଟୋରିୟମରେ ଭବାନୀପୁର ନିର୍ବାଚନ ମଣ୍ଡଳୀରେ ଥିବା ସମସ୍ତ ୱାର୍ଡର ଟିଏମସି କର୍ମୀମାନଙ୍କୁ ସମ୍ବୋଧନ କରିବେ। ପ୍ରଚାର ରଣନୀତି କ’ଣ ରହିବ ଓ କର୍ମୀମାନେ କେମିତି ଲୋକଙ୍କ ପାଖରେ ପହଞ୍ଚିବେ, ସେ ବାବଦରେ ଦିଦି ସମସ୍ତଙ୍କୁ ମନ୍ତ୍ର ଫୁଙ୍କିବେ ବୋଲି କୁହାଯାଉଛି।