୩ ଦିନିଆ ମୟୂରଭଞ୍ଜ ଗସ୍ତରେ ଆସିବେ ମହାମହିମ ରାଷ୍ଟ୍ରପତି
ବାରିପଦା (ବଡ଼ ଖବର ବ୍ୟୁରୋ): ୩ ଦିନିଆ ମୟୂରଭଞ୍ଜ ଗସ୍ତରେ ମହାମହିମ ରାଷ୍ଟ୍ରପତି । ରାଷ୍ଟ୍ରପତି ହେବା ପରେ ଦ୍ରୌପଦୀ ତୃତୀୟ ଥର ପାଇଁ ଓଡ଼ିଶା ଗସ୍ତ କରୁଛନ୍ତି । ଆଉ ନିଜ ଜନ୍ମମାଟିକୁ ପ୍ରଥମ ଥର ଆସୁଛନ୍ତି ମୁର୍ମୁ । ଦ୍ରୌପଦୀଙ୍କ ଗସ୍ତକୁ ନେଇ ପାହାଡ଼ପୁରରେ ଚାଲିଛି ଜୋରଦାର ପ୍ରସ୍ତୁତି । ଯାହାକୁ ନେଇ ଜିଲ୍ଲାବାସୀଙ୍କ ମନରେ ଖୁସିର ଲହରୀ ଖେଳିଯାଇଛି । ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ପୂର୍ବରୁ ମେ’ ୯ରେ ଆସିବା କାର୍ଯ୍ୟକ୍ରମ ଥିବାବେଳେ ତାହା ପରିବର୍ତ୍ତନ ହୋଇଛି।
ମେ’ ୪ରୁ ୬ ପର୍ଯ୍ୟନ୍ତ ଜିଲ୍ଲାର ରାଇରଙ୍ଗପୁର, ପାହାଡପୁର, ଶିମିଳିପାଳ ଓ ବାରିପଦାର ବିଭିନ୍ନ ସ୍ଥାନରେ ହେବାକୁ ଥିବା କାର୍ଯ୍ୟକ୍ରମରେ ଯୋଗଦେବାର ଜଣାପଡ଼ିଛି । ଆସନ୍ତା ମେ’ ୪ରେ ପ୍ରଥମେ ବାଦାମପାହାଡରେ ହେଲିକପ୍ଟର ଯୋଗେ ଅବତରଣ କରି ନିଜ ଶ୍ୱଶୁର ଘର ପାହାଡପୁରକୁ ଯିବେ ରାଷ୍ଟ୍ରପତି । ପରେ ରାଇରଙ୍ଗପୁର ଆସି ସେଠାରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । ମେ’ ୫ ରେ ଶିମିଳିପାଳ ଜାତୀୟ ଉଦ୍ୟାନ ପରିଭ୍ରମଣ କରି ବାରିପଦା ଯିବାର ସୂଚନା ରହିଛି ।