ବଜ୍ରାଘାତରେ ପୋଡ଼ିଗଲା ୬ ଘର

ଭଦ୍ରକ (ବଡ଼ ଖବର ବ୍ୟୁରୋ): ବଜ୍ରାଘାତରେ ୬ ଟି ପରିବାରର ୬ ବଖରା ଘର ପୋଡି ପାଉଁଶ । ଏଭଳି ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲ୍ଲା ତିହିଡି଼ ବ୍ଲକ କୁବେରା ପଞ୍ଚାୟତ କଷଟି ଗ୍ରାମରେ । ଗତକାଲି ବିଳମ୍ବିତ ରାତିରେ କାଳବୈଶାଖୀରେ ପ୍ରବଳ ବର୍ଷା ସହ ବିଜୁଳି ଓ ଘଡ ଘଡି ମାରିଥିଲା । ଏହି ବଜ୍ରାଘାତରେ ପ୍ରାଣବନ୍ଧୁ ରାଉତଙ୍କ ଗୁହାଳ ଘରେ ନିଆଁ ଲାଗିଥିଲା ।

ପରେ ପାଖରେ ଥିବା ଅନ୍ୟ ଘରକୁ ନିଆଁ ବ୍ୟାପି ଯାଇଥିଲା । ମୋଟ ୬ ଟି ପରିବାରର ୬ ବଖରା ଘର ସମ୍ପୂର୍ଣ୍ଣ ପୋଡି ଯାଇଛି । ଘଟଣାସ୍ଥଳରେ ତିହିଡି଼ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା ।