ମୋହନା (ବଡ଼ ଖବର ବ୍ୟୁରୋ): ପୋଲିସ ଏବଂ ଅବକାରୀ ବିଭାଗର ଜ୍ଞାତସାରରେ ଗଜପତି ଜ଼ିଲ୍ଲାର ଆର. ଉଦୟଗିର ଥାନା ଅଞ୍ଚଳରେ ହୋଇଛି ବ୍ୟାପକ ଗଞ୍ଜେଇ ଚାଷ । ଏବେ ଗଞ୍ଜେଇ ଅମଳ ସମୟ । ଅମଳ ପୂର୍ବରୁ ସମୂଳେ ନଷ୍ଟ କରିବା ପାଇଁ ପ୍ରଶାସନ ପକ୍ଷରୁ ଉଦ୍ୟମ ଆରମ୍ଭ ହୋଇଛି । ପୋଲିସ ଓ ଅବକାରୀ ବିଭାଗ କର୍ମଚାରୀମାନେ ମିଳିତ ଭାବେ ଆର. ଉଦୟଗିର ଥାନା କୀରମା ପଞ୍ଚାୟତ ବିମାନପୁର ଗଁ ନିକଟରେ ହୋଇଥିବା ଗଞ୍ଜେଇ କ୍ଷେତରେ ଚଢାଉ କରିଥିଲେ । ୫୧ ଏକର ଜଙ୍ଗଲ ଜମିରେ ବେଆଇନ ଭାବେ ଚାଷ ହୋଇଥିବା ଗଞ୍ଜେଇଗଛକୁ କାଟି ପୋଡି ନଷ୍ଟ କରାଯାଇଛି । ପ୍ରାୟ ୧ ଲକ୍ଷ ୨ ହଜାର ୬୬୦ ଗଛ କାଟି ନଷ୍ଟ କରିଛନ୍ତି ଦସ୍ୱବ ବିଭାଗର କର୍ମଚାରୀ । ଯାହାର ଆନୁମାନିକ ମୂଲ୍ୟ ୧୦ କୋଟି ୨୬ ଲକ୍ଷ ୬୦ ହଜାର ଟଙ୍କା ହେବ ବୋଲି କୁହାଯାଉଛି । ଏହି ଚଢ଼ାଉ ରେ ପୋଲିସ, ରାଜସ୍ୱ ବିଭାଗ, ବନ ବିଭାଗ ଓ ଅବକାରୀ ବିଭାଗ କର୍ମଚାରୀ ସାମିଲ ହୋଇଥିଲେ ।
