ଗାଁ ନିଶାପରେ ଗଣ୍ଡଗୋଳ : ଜଣେ ମୃତ

ହାଟଡ଼ିହି(ବଡ଼ ଖବର ବ୍ୟୁରୋ): କୁକୁଡା ମୃତ୍ୟୁକୁ ନେଇ ନନ୍ଦିପଦା ଥାନା ଅଁରା ଗାଁରେ ବସିଥିଲା ନିଶାପ । ମାତ୍ର ଏହି ସମୟରେ କୌଣସି କାରଣରୁ ଗାଁର ଆନନ୍ଦ ନାୟକ ଏବଂ ବାବନ ବେହେରାଙ୍କ ପରିବାର ମଧ୍ୟରେ ଗଣ୍ଡଗୋଳ ଘଟିଥିଲା । ଗଣ୍ଡଗୋଳ ବେଳେ ବାବନ ଏକ ବ୍ୟାଟରେ ଆନନ୍ଦକୁ ପିଟିବାରୁ ସେ ଗୁରୁତର ଆହତ ହୋଇଥିଲା । ଗୁରୁତର ଅବସ୍ଥାରେ ଆନନ୍ଦକୁ ସାଳଣିଆ ମେଡିକାଲ ପଠାଯାଇଥିଲା । ମାତ୍ର ତାକୁ ଡାକ୍ତର କଟକ ପଠାଇ ଦେଇଥିଲେ । ହେଲେ ବାଟରେ ତାର ମୃତ୍ୟୁ ଘଟିଥିଲା । ଏହି ଘଟଣା ପରେ ବାବନ ଫେରାର ଥିବା ବେଳେ ପୋଲିସ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି ।