ବଡ଼ବିଲ(ବଡ଼ ଖବର ବ୍ୟୁରୋ): ଓଡ଼ିଶାର ସବୁଠାରୁ ଧନୀ ଜିଲ୍ଲା ଭାବେ ଆମେ କେନ୍ଦୁଝରକୁ ବୁଝୁ । ପୁଣି ଏହି ଜିଲ୍ଲାରେ କୋଟିପତି ଖଣି ମାଲିକଙ୍କ ଅଭାବ ନାହିଁ । ଏହା ସତ୍ତେ୍ୱ ଜଣେ ଅଜଣା ମହିଳା ସରକାରୀ ଗ୍ୟାରେଜରେ ପଡି ପଡି ମରିବା ଘଟଣା ପ୍ରଶାସନିକ ବ୍ୟବସ୍ଥା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି ।
ବଡ଼ବିଲ ପୌରପରିଷଦ ଗ୍ୟାରେଜ ଭିତରେ ଜଣେ ଅଜଣା ମହିଳା ୭ଦିନ ହେବ ରହିଆସୁଥିଲେ । ଏହି ଅସହାୟା ବୃଦ୍ଧା ଜଣକ କାର୍ଯ୍ୟ ନିର୍ବହୀ ଅଧିକାରୀଙ୍କ ହେପାଜତରେ ସେଠାରେ ଥିଲେ । ତେବେ ଆଜି ଦିନ ୧୦ଟାରେ ସେ ମରିପଡିଥିବା କିଛି ଲୋକ ଦେଖିଥିଲେ ।
ଖାଦ୍ୟାଭାବ ଓ ଉପଯୁକ୍ତ ଚିକିତ୍ସା ଅଭାବରୁ ତାଙ୍କର ମୃତ୍ୟୁ ହୋଇଥିବା ସାଧାରଣରେ ଆଲୋଚନା ହେଉଛି । ଜଣେ ସରକାରୀ ଅଧିକାରୀଙ୍କ ତତ୍ତ୍ୱାବଧାନରେ ଥାଇ ଅସହାୟ ମହିଳାଙ୍କ ମୃତ୍ୟୁକୁ ସହଜରେ ହଜମ କରି ପାରୁନାହାନ୍ତି ସାଧାରଣ ଜନତା ।
ବଡ଼ବିଲ ପାଇଁ ପ୍ରକୃତିର ଅବଦାନ କିଛି କମ୍ ନୁହେଁ । ସହର ଲୁହା ପଥର ପାଇଁ ଏହି ଅଞ୍ଚଳ ସାରା ବିଶ୍ୱ ପରିଚିତ । ଏଠାରୁ କୋଟି ଟଙ୍କା ରାଜ୍ୟ ଓ କେନ୍ଦ୍ର ସରକାର ଟିକସ ଆକାରରେ ନେଉଛନ୍ତି । ଗଢିଉଠିଛି ଅନେକ କଳକାରଖାନା । କୋଟିପତିଙ୍କର ଏଠାରେ ଅଭାବ ନାହିଁ । ହେଲେ ଜଣେ ଅନାଥ ବୃଦ୍ଧାଙ୍କ ପାଇଁ ସମସ୍ତେ ନିରବ । ଅଞ୍ଚଳର ବିକାକା ପାଇଁ ମଳୁଥିବା ପ୍ରତିଶ୍ରୁତି କେବଳ ପ୍ରତିଶ୍ରୁତିରେ ରହିଯାଇଛି । ଏଠାରେ ନା ଗୋଟେ ଭଲ ହସ୍ପିଟାଲ ଅଛି, ରାସ୍ତ । ଅନାଥ ଲୋକ ପାଇଁ ଆଶ୍ରମ ମଧ୍ୟ ନାହିଁ । ଏଠାରେ କିଏ ରାସ୍ତ କଡ଼ରେ ଛୁଆ ଜନ୍ମ କରୁଛି ତ କିଏ ରାସ୍ତରେ ମରିଯାଇଛି ।
