ତିନିମାସର ଛୁଆହାତୀ ମୃତ

ଶେରଗଡ଼(ବଡ଼ ଖବର ବ୍ୟୁରୋ): ଶେରଗଡ଼ ବ୍ଲକ କରଡାକଣା ପଂଚାୟତ ବାହରସିଂ ବିଟ ଅଞ୍ଚଳର ଲାଉଗଡ଼ ନିକଟ ରତନେଇ ଜଙ୍ଗଲ ପାଖରେ ପଡିଛି ମୃତ ହାତୀଛୁଆ । ଧାନବିଲରେ କାଦୁଅ ଥିବାରୁ ହାତୀଛୁଆ ବାହାରି ନପାରି ମରିଯାଇଥିବା ଆସିକା ରେଞ୍ଜର କହିଛନ୍ତି । ମୃତ ହାତୀର ବୟସ ୩ ମାସ ହେବ ବୋଲି ସେ କହିଛନ୍ତି । ସଂଧ୍ୟାରେ ହାତୀପଲ ସହ ଯାଉଥିବା ବେଳେ ହାତୀଛୁଆଟି କାଦୁଅ ବିଲରେ ଫସିଯାଇଥିଲା । ଉଦ୍ଧାର ଉଦ୍ରମ ହୋଇଥିଲା । ମାତ୍ର ହାତୀପଲଙ୍କ ଆକ୍ରମଣ ଭୟ ଥିବାରୁ ସମ୍ଭବ ହୋଇନଥିବା ରେଞ୍ଜର କହିଛନ୍ତି । ବର୍ତ୍ତମାନ ମୃତ ହାତୀକୁ ଆଣି ଷଡ଼ଙ୍ଗୀପଲ୍ଲୀ ବନପାଳଙ୍କ ବାସଭବନ ପରିସରରେ ରଖାଯାଇଛି । ବ୍ୟବଚ୍ଛେଦ ପରେ କବର ଦିଆଯିବା ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଛି ।