ଭୁବନେଶ୍ୱର (ବଡ଼ ଖବର ବ୍ୟୁରୋ): କରୋନା ଆକ୍ରାନ୍ତଙ୍କ ଦୁଆରେ ଲାଗିବନି ପୋଷ୍ଟର । ଏଭଳି ନିଷ୍ପତ୍ତି ନେଇଛି ରାଜ୍ୟ ସ୍ୱାସ୍ଥ୍ୟ ବିଭାଗ । ଲୋକମାନେ ରୋଗ ଲୁଚାଉଥିବାରୁ ସଂକ୍ରମଣ ଆଶଙ୍କା ବଢୁଛି । ତେଣୁ କେହି ହୋମ ଆଇସୋଲେସନରେ ରହିଲେ ତାଙ୍କ ଦୁଆରେ ସ୍ଥାନୀୟ ପ୍ରଶାସନ ପୋଷ୍ଟର ନ ଲାଗଇବା ପାଇଁ ପରାମର୍ଶ ଦିଆଯାଇଛି । ଆଜି ସ୍ୱାସ୍ଥ୍ୟ ବିଭାଗ ପକ୍ଷରୁ ରାଜ୍ୟର ସମସ୍ତ ଜିଲ୍ଲାପାଳ, ସିଡିଏମଓ, ମହାନଗର ନିଗମ କମିଶନର ପ୍ରମୁଖଙ୍କୁ ସରକାରୀ ନିଷ୍ପତ୍ତି ଜଣାଇ ଦିଆଯାଇଛି ।
