ଅଟକିଲା ପିଲାଙ୍କୁ ଟିକାକରଣ କରିବାର ନିଷ୍ପତ୍ତି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସାରା ଦେଶରେ କରୋନା ସଂକ୍ରମଣ ଥମିବାରେ ଲାଗିଛି । ହେଲେ ତୃତୀୟ ଲୋହରୀକୁ ଦୃଷ୍ଟିରେ ରଖି କେନ୍ଦ୍ର ସରକାର ପିଲାମାନଙ୍କୁ ଟିକାକରଣ କରିବାର ନିଷ୍ପତ୍ତି ନେଇଥିଲେ । ଏହା ମଧ୍ୟରେ ୧୨ରୁ ୧୮ ବର୍ଷର ପିଲାମାନଙ୍କୁ ଟିକାକରଣ କରିବାର ନିଷ୍ପତ୍ତିରେ ପ୍ରଶ୍ନ ଉଠିଥିବାର ସୂଚନା ମିଳିଛି । ତେବେ ଟିକାକରଣର ମୂଲ୍ୟ ନିଦ୍ଧାରିତ ପାଇଁ ବସିଥିବା ବୈଠକରେ କିଛି ଏପରି ପ୍ରଶ୍ନ ସାମ୍ନାକୁ ଆସିଥିଲା, ଯାହାଦ୍ୱାରା ପିଲାମାନଙ୍କର ଟିକାକରଣ କରିବାର ସମୟସୀମା ବୃଦ୍ଧି ହେବାରେ ଲାଗିଛି । ଏପରିକି କେମୋବିଡିଟି ନେଇନଥିବା ପିଲାମାନେ ମଧ୍ୟ ଟିକା ନେବା ପାଇଁ ୨୦୨୨ ମସିହା ପର୍ଯ୍ୟନ୍ତ ଅପେକ୍ଷା କରିବା ପାଇଁ ପଡ଼ିବ ।
କେବଳ ଏତିକି ନୁହେଁ ବରଂ ପିଲାମାନଙ୍କୁ ଟିକାକରଣ କରିବା ପାଇଁ ଯେପରି ବୟସ୍କ ଲୋକଙ୍କ ରେଜିଷ୍ଟ୍ରେସନ କରାଯାଇଥିଲା, ସେହିପରି କରାଯିବ ବୋଲି ସୂଚନା ମିଳିଛି । ଅନ୍ୟପଟେ କେମୋବିଡିଟିର ପ୍ରାଥମିକତା ଆଧାର ଏବଂ କେଉଁ ଦସ୍ତାବିଜର ସର୍ତ୍ତକୁ ଦୃଷ୍ଟିରେ ରଖି ପିଲାଙ୍କୁ ଟିକା ଦିଆଯିବ, ସେନେଇ ଦୀର୍ଘ ସମୟଧରି ଆଲୋଚନା କରିବା ସର୍ତ୍ତେ ବୈଠକରେ କୌଣସି ନିଷ୍କର୍ସ ବାହାରି ପାରୁନଥିବାର କଥା ଜଣେ ସରକାରୀ ଅଧିକରୀ ସ୍ପଷ୍ଟ କରିଛନ୍ତି ।