ବିଶ୍ୱ ମୃତ୍ତିକା ଦିବସ
ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରତିବର୍ଷ ଡିସେମ୍ବର ୫କୁ ବିଶ୍ୱ ମୃତ୍ତିକା ଦିବସ ରୂପେ ପାଳନ କରାଯାଇଥାଏ । ମୃତ୍ତିକାର ଜୈବିକ ଗୁଣକୁ ବଜାୟ ରଖି ଚାଷୀ କିପରି ଉନ୍ନତ ମାନର ଚାଷ କାର୍ଯ୍ୟ କରିପାରିବ ଏହାହିଁ ମୁଖ୍ୟ ଲକ୍ଷ ରହିଛି । ମୃତ୍ତିକାର ମହତ୍ତ୍ୱକୁ ଦୃଷ୍ଟିରେ ରଖି ଏହି ଦିନ ପାଳନ କରାଯାଏ । ଆଜିକାଲିର ରସାୟନିକ ସାର ଓ ପୋକମରା ଔଷଧ ମୃତ୍ତିକାର ଉପକାରିତାକୁ ନଷ୍ଟ କରିଦେଉଛି । ତେଣୁ ଚାଷୀ ମାନେ ଏହାକୁ ଧ୍ୟାନ ରଖିବା ନିହାତି ଦରକାର । ଏହାର ଅବହେଳାରେ ଉଭୟ ଚାଷୀକୁଳ ଓ ସାଧାରଣ ଜନତାଙ୍କ ସ୍ୱାସ୍ଥ୍ୟ ଭପରେ ହାନିକାରକ ପ୍ରଭାବ ପକାଇଥାଏ । ୨୦୧୩ ମସିହା ୨୦ ଡିସେମ୍ବରରେ ସଂଯୁକ୍ତ ରାଷ୍ଟ୍ରର ଖାଦ୍ୟ ଓ କୃଷି ସଂଗଠନ ୫ ଡିସେମ୍ବରକୁ ‘ବିଶ୍ୱ ମୃତ୍ତିକା ଦିବସ’ ରୁପେ ପାଳନ କରିବାପାଇଁ ନିଷ୍ପତ୍ତି ନେଇଥିଲେ।
ସଂଯୁକ୍ତ ରାଷ୍ଟ୍ର ମହାସଭା ଦ୍ୱାରା ୨୦୧୫ ମସିହାକୁ ‘ଅନ୍ତରାଷ୍ଟ୍ରୀୟ ମୃତ୍ତିକା ଦିବସ’ ରୁପେ ପାଳନ କରିବାପାଇଁ ଘୋଷଣା କରାଯାଇଥିଲା ।୨୦୧୭ ମସିହା ୫ଡିସେମ୍ବରରୁ ସଂପୂର୍ଣ୍ଣ ବିଶ୍ୱରେ ‘ବିଶ୍ୱ ମୃତ୍ତିକା ଦିବସ’ ପାଳନ କରାଯାଇଆସୁଅଛି ।