ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ହରିଆଣାର ସ୍ୱାସ୍ଥ୍ୟମନ୍ତ୍ରୀ ଅନୀଲ ବିଜ୍ କରୋନାରେ ସଂକ୍ରମିତ ହୋଇଛନ୍ତି । ସେ ବର୍ତ୍ତମାନ ସିବିଲ୍ ହସ୍ପିଟାଲ ଅମ୍ବାଲା କେଣ୍ଟରେ ଚିକିତ୍ସାଧିନ ଅଛନ୍ତି । ଆଶ୍ଚର୍ଯ୍ୟର କଥା ହେଲା ସ୍ୱାସ୍ଥ୍ୟମନ୍ତ୍ରୀ ଶ୍ରୀ ବେଜ୍ ଦୁଇ ସପ୍ତାହ ଆଗରୁ କୋଭାକ୍ସିନ ପରୀକ୍ଷଣ ବେଳେ ସ୍ୱେଚ୍ଚାସେବୀ ଭାବେ କୋଭାକ୍ସିନ୍ ଟିକା ନେଇଥିଲେ । ସ୍ୱାସ୍ଥ୍ୟମନ୍ତ୍ରୀ କରୋନାରେ ଆକ୍ରାନ୍ତ ହେବା କଥା ସେ ତାଙ୍କ ଟ୍ୱିଟର ହ୍ୟାଣ୍ଡଲରେ ଉଲ୍ଳେଖ କରିଛନ୍ତି । ସେ ଟ୍ୱିଟ୍ରେ ଲେଖିଛନ୍ତି ‘ମୁଁ କରୋନାରେ ସଂକ୍ରମିତ ହୋଇଛି । ସିବିଲ ହସ୍ପିଟାଲ ଅମ୍ବଲା କ୍ୟାଣ୍ଟରେ ଚିକି୍ତ୍ସାଧୀନ ଅଛି । ଯେଉଁମାନେ ମୋ ସଂସ୍ପର୍ଶରେ ଆସିଛନ୍ତି ମୁଁ ତାଙ୍କୁ ଅନୁରୋଧ କରୁଛି ସେମାନେ ତାଙ୍କର କରୋନା ପରୀକ୍ଷା କରାଇ ନିଅନ୍ତୁ । ଅନିଲ ବିଜ୍ ରାଜ୍ୟର ଗୃହମନ୍ତ୍ରୀ ମଧ୍ୟ ଅଟନ୍ତି ।’ ଶ୍ରୀ ବିଜ୍ ପ୍ରଥମ ଟିକା ଦେବାର ୨୮ ଦିନ ପରେ ଦ୍ୱିତୀୟ ଡ଼ୋଜ୍ ଦିଆଯାଇଥାନ୍ତା । ଡାକ୍ତର ତାଙ୍କ ଶରୀରରେ କିଭଳି ଏଣ୍ଟି-ବଡ଼ି ବଢ଼ାଇବା ପାଇଁ ଅଧ୍ୟୟନ କରିଥା’ନ୍ତେ । କିନ୍ତୁ ତାଙ୍କର ପୁଣି ପଜିଟିଭ ବାହାରିବା ଜାଣିବା ପରେ ଟିକା ଉପରେ ପ୍ରଶ୍ନବାଚି ସୃଷ୍ଟି ହୋଇଛି ।
