କ୍ଷତି ପୂରଣ ଦାବି କଲେ ଚାଷୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାସ୍ତାରେ ଟାୟାର ଜାଳି ପ୍ରତିବାଦ କଲେ ଚାଷୀ । ଚନ୍ଦକା ଥାନା କୁଜୁମହୁଲ ଗାଁର ଚାଷୀମାନେ ଆନ୍ଦୋଳନ କରିଛନ୍ତି । ଫାର୍ମ ହାଉସ ମାଲିକ ଶଙ୍ଖ ଗେଟ୍ ବନ୍ଦ କରି ପାଣି ନିଷ୍କାସନ କରିବା ଦ୍ୱାରା ବିଲରେ ମାଡି ରହିଛି ପାଣି । ଦୀର୍ଘଦିନ ଧରି ବୁଡ଼ି ରହିଥିବା ଧାନ ଫସଲ ନଷ୍ଟ ହୋଇଯାଇଛି । ଫାର୍ମ ମାଲିକ ଚାଷୀଙ୍କ କ୍ଷତି ପୂରଣ ଦେବାକୁ ରାଜି ନହେବାରୁ ଆନ୍ଦୋଳନକୁ ଓହ୍ଲାଇଛନ୍ତି ଚାଷୀ । ରାସ୍ତାରେ ଟାୟାର ଜାଳି ପ୍ରତିବାଦ କରିଛନ୍ତି । ରାସ୍ତାର ଉଭୟ ପାଶ୍ୱରେ ଅଟକି ରହିଛି ଅନେକ ଗାଡ଼ି । ଚନ୍ଦକା ପୋଲିସ ଘଟଣାସ୍ଥଳରେ ପହଞ୍ଚି ଚାଷୀଙ୍କୁ ବୁଝାଶୁଝା କରୁଥିବା ବେେ ଉପଯୁକ୍ତ କ୍ଷତି ପୂରଣ ନମିଳିଲେ ଏଭଳି ଆନ୍ଦୋଳନ ଜାରି ରହିବ ବୋଲି ଚେତାବନି ଦେଇଛନ୍ତି ଚାଷୀ ।