ବୁଢାବଳଙ୍ଗରେ ବୁଡି ଛାତ୍ର ନିଖୋଜ

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱର ସ୍ଥିତ ବଡ଼ ନୂଆପୁର ନିକଟ ବୁଢାବଳଙ୍ଗ ନଦୀ ରେ ବୁଡ଼ି ଜଣେ ଅଷ୍ଟମ ଶ୍ରେଣୀ ଛାତ୍ର ନିଖୋଜ ହୋଇଯାଇଥିବା ଜଣାପଡିଛି । ଘଟଣାରୁ ପ୍ରକାଶ ଯେ ବଡ଼ ନୁଆପୁର ସ୍ଥିତ ବୁଢ଼ାବଳଙ୍ଗ ନଦୀରେ ଗାଧୋଉଥିବା ବେଳେ ଛାତ୍ରଜଣଙ୍କ ନିଖୋଜ ହୋଇଯାଇଥିଲେ । ଘଟଣା ସ୍ଥଳରେ ଅଗ୍ନିଶମ ଟିମ ଓ ପୋଲିସ ପହଞ୍ଚି ଦୀର୍ଘ ସମୟ ଧରି ଖୋଜା ଖୋଜି କରିବା ପରେ ମଧ୍ୟ ଛାତ୍ର ଜଣଙ୍କର କୌଣସି ପତ୍ତା ମିଳିନାହିଁ । ନଦୀ ଘାଟ ପାଖରେ ପିଲାଟିର ସାଇକେଲ,ଜୋତା ଓ ପ୍ୟାଣ୍ଟ ସାର୍ଟ ଥିବାର ଦେଖିବାକୁ ମିଳିଛି। ନିଖୋଜ ଛାତ୍ର ହେଲେ ମାଣିଖମ୍ବ ଅଞ୍ଚଳର ଦୀପକ କରଙ୍କ ପୁଅ ଓମ ପ୍ରକାଶ କର ।