ଭୟାବହ ଅଗ୍ନିକାଣ୍ଡ, ୪ବଖରା ଭସ୍ମିଭୂତ

ମହାକାଳପଡ଼ା(ବଡ଼ ଖବର ବ୍ୟୁରୋ): କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ରାଜଗଡ଼ ପଞ୍ଚାୟତ ରାଧାନଗର ଗ୍ରାମର ୧୧ ନମ୍ବର ୱାର୍ଡ଼ରେ ଘଟିଛି ଦୁର୍ଘଟଣା । ପବିତ୍ର ବେହେରା ଓ ସୁଶାନ୍ତ ବେହେରାଙ୍କ ୪ ବଖରା ଜଳି ପାଉଁଶ ହୋଇଯାଇଛି । ସନ୍ଧ୍ୟା ସମୟରେ ଘଟିଥିଲା ଅଗ୍ନିକାଣ୍ଡ । ରୋଷେଇ କରୁଥିବା ସମୟରେ ଗ୍ୟାସ ଟାଙ୍କି ଫାଟି ନିଆଁ ଲାଗିଥିଲା । ଗାଁକୁ ରାସ୍ତା ନଥିବାରୁ ଅଗ୍ନିଶମ ବିଭାଗର ଗାଡ଼ି ଯାଇପାରିନଥିଲା ।

ନିକଟସ୍ଥ ଲୋକମାନେ ନଦୀ ପାର ହୋଇ ଆସି ନିଆଁକୁ ଆୟତ କରିଥିଲେ । ପରେ ଅଗ୍ନିଶମ ବିଭାଗର କର୍ମଚାରୀମାନେ ଡ଼ଙ୍ଗା ସାହାର୍ଯ୍ୟରେ ପହଞ୍ଚି ନିଆଁକୁ ଆୟତ କରିଥିଲେ । ଘର ସମ୍ପୂର୍ଣ୍ଣ ପୋଡ଼ି ଯାଇଥିବା ବେଳେ ଆସବାପତ୍ର ପୋଡ଼ି ପାଉଁଶ ହୋଇଯାଇଛି । ପରିବାରକୁ ସହାୟତା ଯୋଗାଇବା ପାଇଁ ଦାବି ହେଉଛି ।