ଆଇପିଏଲ ଢାଞ୍ଚାରେ ଓଡ଼ିଶା କ୍ରିକେଟ ଲିଗ୍

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜିଠାରୁ ଆଇପିଏଲ ଢାଞ୍ଚାରେ ଖେଳାଯିବ ଓଡ଼ିଶା କ୍ରିକେଟ ଲିଗ୍ । ଏହି ମ୍ୟାଚ୍ ବାରବାଟୀରେ ଆୟୋଜନ କରିବେ ଓସିଏଲ । ଟି-୨୦ ପ୍ରତିଯୋଗିତାରେ ଓଡ଼ିଶା ଟାଇଗର୍ସ, ଓଡ଼ିଶା ଲାୟନ୍ସ, ଓଡ଼ିଶା ଚିତାଶ୍, ଓଡ଼ିଶା ଯାଗୁଆର୍ସ, ଓଡ଼ିଶା ପନ୍ଥର୍ସ ଓ ଓଡ଼ିଶା ପୁମାସ ଆଦି ଦଳ ଅଂଶଗ୍ରହଣ କରିବାକୁ ଯାଉଛନ୍ତି । ଓସିଏଲ ପ୍ରଥମ ସଂସ୍କରଣ ଉଦଘାଟନୀ ମୁକାବିଲାରେ ଓଡ଼ିଶା ଟାଇଗର୍ସ ଓ ଓଡ଼ିଶା ଲାୟନ୍ସ ମଧ୍ୟରେ ଖେଳାଯିବ । ଏହାସହ ଉଦ୍ଘାଟନୀ ଦିବସର ଦ୍ୱିତୀୟ ମ୍ୟାଚ୍ ଓଡ଼ିଶା ଚିତାଶ ଓ ଓଡ଼ିଶା ଜାଗୁଆର୍ସ ମଧ୍ୟରେ ଆୟୋଜିତ ହେବ । ଆଜି ସଂଧ୍ୟା ୭ଟାରୁ ଏହି ମ୍ୟାଚ୍ ଆରମ୍ଭ ହେବ ।

ପ୍ରତ୍ୟକ ଦିନ ଦୁଇଟି ଲେଖାଏଁ ମ୍ୟାଚ୍ ଖେଳାଯିବ । ଆସନ୍ତା ୧୦ତାରିଖ ପର୍ଯ୍ୟନ୍ତ ଏହି ଲିଗ୍ ଚାଲିବା ପରେ ୧୨ ତାରିଖରେ ସେମିଫାଇନାଲ ଓ ୧୩ ତାରିଖରେ ଫାଇନାଲ ମ୍ୟାଚ୍ ଖେଳାଯିବ । ଦୁଇଟି ରାଉଣ୍ଡରେ ପ୍ରତ୍ୟକ ଦଳ ମ୍ୟାଚ ଖେଳିବେ । ଶ୍ରେଷ୍ଠ ୪ ଦଳ ସେମିଫାଇନାଲରେ ପ୍ରତିଦ୍ୱନ୍ଦିତା କରିବ । ପ୍ରତ୍ୟେକ ଦଳର ଜଣେ ଲେଖାଏଁ ରାଜ୍ୟ ଖେଳାଳିଙ୍କୁ ଅଧିନାୟକ ଦାୟିତ୍ୱ ଦିଆଯାଇଛି ।

ଦେବାଶିଷ ସାମନ୍ତରାୟ ଓଡ଼ିଶା ଟାଇଗର୍ସ, ସୁଜିତ ଲେଙ୍କା ଓଡ଼ିଶା ଲାୟନ୍ସ, ଅନୁରାଗ ଷଢଙ୍ଗୀ ଓଡ଼ିଶା ଚିତାଷ, ଗିରିଜା ରାଉତ ଓଡ଼ିଶା ଜାଗୁଆର୍ସ, ବସନ୍ତ ମହାନ୍ତି ଓଡ଼ିଶା ପାନ୍ଥର୍ସ, ଅରବିନ୍ଦ ସିଂହ ଓଡ଼ିଶା ପୁମାସ ଦଳର ଅଧିନାୟକ ଭାବେ ମନୋନୀତ ହୋଇଛନ୍ତି । ୬ଟି ଟିମରେ ୭୦ରୁ ଉର୍ଦ୍ଧ ଖେଳାଳି ଭାଗ ନେଉଛନ୍ତି । ଏହି ଟୁର୍ଣ୍ଣାମେଣ୍ଟର ଜାନୁଆରୀ ୧୨ରେ ସେମିଫାଇନାଲ ଖେଳାଯିବ ଓ ୧୩ ଜନୁଆରୀରେ ଫାଇନାଲ ଖେଳାଯିବ । ଓସିଏଲର ସମସ୍ତ ମ୍ୟାଚ ବାରବାଟୀ ଷ୍ଟାଡିୟମରେ ଫ୍ଲଡ ଲାଇଟରେ ଖେଳାଯିବ ।