ବରଗଡ(ବଡ଼ ଖବର ବ୍ୟୁରୋ): ବରିଷ୍ଠ ସାମ୍ବାଦିକ ଶଙ୍କର ପ୍ରସାଦ ମିଶ୍ରଙ୍କ ଅକାଳ ବିୟୋଗ ହୋଇଛି । ଆଜି ଦିନ ୧୨ଟା ସମୟରେ ସମ୍ବଲପୁର ସ୍ଥିତ ଏକ ଘରୋଇ ଡାକ୍ତରଖାନାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ସମୟରେ ତାଙ୍କୁ ୬୪ ବର୍ଷ ହୋଇଥିଲା । ଶେଷ ସମୟରେ ସ୍ତ୍ରୀ ଓ ଦୁଇ ଝିଅ ତାଙ୍କ ପାଖରେ ଥିଲେ । ସ୍ୱର୍ଗତ ମିଶ୍ରଙ୍କ ବିୟୋଗରେ ବରଗଡ଼ ଜିଲ୍ଲା ଜର୍ଣ୍ଣାଲିଷ୍ଟ ଏସୋସିଏସନ (ଜାଵ) ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି ।
ଦୈନିକ ଆଶା ଖବର କାଗଜରୁ ନିଜର ସାମ୍ବାଦିକତା ଆରମ୍ଭ କରିଥିବା ଶ୍ରୀ ମିଶ୍ର ଦୀର୍ଘ ଚାଳିଶ ବର୍ଷ କାଳ ସାମ୍ବାଦିକତା ସହ ଜଡିତ ଥିଲେ । ସାମ୍ବାଦିକ ସଂଘ ମାଧ୍ୟମରେ ସାମ୍ବାଦିକମାନଙ୍କୁ ଏକ ଜୁଟ କରି ସେମାନଙ୍କ ବିଭୀନ୍ନ ସମସ୍ୟା ବିରୋଧରେ ଆଜୀବନ ଲଢେଇ ଜାରି ରଖିଥିଲେ । ଶ୍ରୀ ମିଶ୍ର ସଂପ୍ରସାରିତ ବଲାଙ୍ଗିର ସାମ୍ବାଦିକ ସଂଘର ପ୍ରଥମ ସଂପାଦକ ଭାବେ ଦାଇତ୍ୱ ତୁଳାଇବା ପରେ, ବଲାଙ୍ଗିର ସାମ୍ବାଦିକ ସଂଘର ସଭାପତି ଭାବେ ବଲାଙ୍ଗିରରେ ସାଂବାଦିକ ଭବନ ନିର୍ମାଣରେ ତାଙ୍କର ଅଗ୍ରଣି ଭୂମୀକା ରହିଥିଲା । ବଲାଙ୍ଗିର ସଂଘରୁ ରାଜ୍ୟକୁ ମନୋନୀତ ହୋଇ ଓଡିଶା ସାମ୍ବାଦିକ ସଂଘର ଉପ ସଭାପତି, ପରେ ପରେ ସଭାପତି ଭାବେ ଦାଇତ୍ୱ ତୁଲାଇଥିଲେ । ସେହିପରି ଓଡିଶା ସାମ୍ବାଦିକ ସଂଘରୁ ମନୋନିତ ହୋଇ ରାଷ୍ଟ୍ରୀୟ ସାମ୍ବାଦିକ ସଂଘର ଉପ ସଭାପତି ଭାବେ ଦାଇତ୍ୱ ତୁଳାଇ ବଲାଙ୍ଗିର ମାଟି ପାଇଁ ଗୌରବ ଆଣି ଦେଇଥିଲେ । ତାଙ୍କର ବିୟୋଗରେ ସାମ୍ବାଦିକତା ଜଗତରେ ଶୋକର ଛାୟା ଖେଳିଯାଇଛି ।
