କରୋନା ଆକ୍ରାନ୍ତଙ୍କ ସହ ଶାରୀରିକ ସମ୍ପର୍କ ରଖିଲେ ନର୍ସ
କରୋନା ମହାମାରୀ ପାଇଁ ବିଶ୍ୱସାରା ଲୋକେ ସତର୍କତା ଅବଲମ୍ବନ କରିଛନ୍ତି । ଇଣ୍ଡୋନେସିଆର ଏକ ହସ୍ପିଟାଲ୍ର ନର୍ସଙ୍କ କାରନାମା ଏବେ ଚର୍ଚ୍ଚାର ବିଷୟ ପାଲଟିଛି । ଅଭିଯୋଗ ହୋଇଛି ଯେ ନର୍ସ ଜଣକ ହସ୍ପିଟାଲ୍ରେ ଭର୍ତ୍ତି ହୋଇଥିବା ଜଣେ କରୋନା ରୋଗୀଙ୍କ ସହ ଶାରୀରିକ ସଂପର୍କ ରଖିବାକୁ ପିନ୍ଧିଥିବା ପିପିଇ କିଟ୍କୁ ଖୋଲି ଦେଇଥିଲେ । ନର୍ସ ଜଣକ ହସ୍ପିଟାଲ୍ର ଶୌଚାଳୟରେ ଏପରି ଘୃଣ୍ୟ କାର୍ୟ୍ୟ କରିଥିବା ସୂଚନା ରହିଛି । କରୋନା ଆକ୍ରାନ୍ତ ଜଣକ ଏ ନେଇ ସୋସିଆଲ୍ ମିଡିଆରେ ସୂଚନା ଦେବା ପରେ ଚର୍ଚ୍ଚା ଜୋର ଧରିଛି ।
ଖବର ଚାରିଆଡ଼େ ଖେଳିଯିବା ପରେ ଏବେ ଉଭୟ ନର୍ସ ଓ ରୋଗୀଙ୍କୁ ପୃଥକ କରି ରଖାଯାଇଛି । କରୋନା ଆକ୍ରାନ୍ତ ଜଣକ ନର୍ସ ଓ ତାଙ୍କ ମଧ୍ୟରେ ହୋଇଥିବା ଏକ ହ୍ବାଟ୍ସଆପ୍ ଚାଟ୍ର ସ୍କ୍ରିନ୍ସଟ୍କୁ ସୋସିଆଲ୍ ମିଡିଆରେ ସେୟାର କରିଛନ୍ତି। ସୋସିଆଲ୍ ମିଡିଆରେ ଘଟଣାଟି ଭାଇରାଲ୍ ହେବା ପରେ ଉଭୟ ଆକ୍ରାନ୍ତ ଓ ନର୍ସଙ୍କୁ ପଚରାଉଚରା କରାଯାଇଥିଲା । ସେମାନେ ସତ ମାନିଛନ୍ତି । ଏହି ଘଟଣା ପରେ ନର୍ସଙ୍କୁ ଚାକିରିରୁ ନିଲମ୍ବନ କରାଯାଇଛି। ଏହି ମାମଲା କେନ୍ଦ୍ରୀୟ ଜାକର୍ତ୍ତା ପୋଲିସକୁ ହସ୍ତାନ୍ତର କରାଯାଇଛି । ପୋଲିସ ତଦନ୍ତ ଜାରି ରଖିଛି ।
