ପର୍ଯ୍ୟଟକଙ୍କ ମନମୋହୁଛି ସତୀଗୁଡ଼ା

ମାଲକାନଗିରି(ବଡ଼ ଖବର ବ୍ୟୁରୋ): ଗୋଟିଏ ଦିନ ପରେ କ୍ୟାଲେଣ୍ଡରରୁ ବିଦାୟ ନବ ଟ୍ୱେଣ୍ଟି ଟ୍ୱେଣ୍ଟି । ପୁଣି ଲୋକେ ସ୍ଵାଗତ କରିବେ ନୂତନ ବର୍ଷକୁ । ୨୦୨୧ ମସିହାକୁ ଏହାରି ଭିତରେ ସ୍ମୃତି ରଖିବା ଲାଗି ପର୍ଯ୍ୟଟନ ସ୍ଥଳୀ ଗୁଡିକରେ ପର୍ଯ୍ୟଟକଙ୍କ ଭିଡ ଜମିବାରେ ଲାଗିଛି । ଯାହା ଭିତରେ ମାଓ ପ୍ରବଣ ମାଲକାନଗିରି ଜିଲ୍ଲାର ସତୀଗୁଡ଼ା ଜଳଭଣ୍ଡାର ଅନ୍ୟତମ । ସୁନେଲି ଆଲୁଅରେ ଝଲସୁଛି ବିଶାଳ ଜଳଭଣ୍ଡାରର ଏହି ମନୋରମ ଦୃଶ୍ୟ । ମାଲକାନଗିରି ସହର ଉପକଣ୍ଠରେ ଥିବା ସତୀଗୁଡ଼ା ଇକୋ ପାର୍କରେ ।

ଜଳଭଣ୍ଡାର ନିକଟରେ ଥିବା ପ୍ରାକୃତିକ ପର୍ଯ୍ୟଟନ ସ୍ଥଳୀ ସତୀଗୁଡ଼ା ଇକୋ ପାର୍କ କିଛି ମାସ ହେବ ଶୂନଶାନ ହୋଇ ପଡିଥିବା ବେଳେ ନୂତନ ବର୍ଷ ଆସୁଥିବାରୁ ସୀମାନ୍ତ ଆନ୍ଧ୍ର ଓ ଛତିଶଗଡର ପର୍ଯ୍ୟଟକଙ୍କ ସୁଅ ଛୁଟିଛି ଏଠାକୁ । କିଏ ସାଙ୍ଗ ସାଥିରେ ବଣଭୋଜି କରି ନୂଆ ବର୍ଷକୁ ସ୍ଵାଗତ କରିବା ପାଇଁ ।