ଭୁବନେଶ୍ୱର(ବଡ଼ ଖବର ବ୍ୟୁରୋ): ନୂଆବର୍ଷକୁ ଦୃଷ୍ଟିରେ ରଖି ଭାରତ ସଞ୍ଚାର ନିଗମ ଲିମିଟେଡ ଏକ ନିଷ୍ପତ୍ତି ନେଇଛି । ‘ବିଏସଏନଏଲ’ ମାଗଣା ସିମ ଅଫରକୁ ୨୦୨୧ ଜାନୁଆରୀ ୩୧ ପର୍ଯ୍ୟନ୍ତ ବୃଦ୍ଧି କରିଛି । ଯେଉଁମାନେ ନୂଆ ସିମ ପାଇଁ ଆବେଦନ କରିବେ ସେମାନେ ଏହି ଅଫରର ମଜ୍ଜା ଉଠାଇ ପାରିବେ । ଟେଲିକମ କମ୍ପାନୀ ତାମିଲନାଡୁ ୱେବସାଇଟ ମାଧ୍ୟମରେ ଏହା ସୂଚନା ଦେଇଛନ୍ତି । ମାଗଣା ସିମ ପାଇବାକୁ ହେଲେ ପ୍ରଥମେ ୧୦୦ଟଙ୍କାର ରିଚାର୍ଜ କରିବାକୁ ପଡିବ ।
ରିପୋର୍ଟ ଅନୁଯାୟୀ, ଏହି ଅଫର ନଭେମ୍ବର ଦ୍ୱିତୀୟ ସପ୍ତାହରେ ଆରମ୍ଭ ହୋଇଥିଲା । ଯାହା ୨୮ ନଭେମ୍ବରରେ ଶେଷ ହୋଇଥାନ୍ତା । ପରେ ଏହି ଅଫରକୁ ୧ଡିସେମ୍ବରରେ ଘୋଷଣା କରାଯାଇଥିଲା । ଯାହାର ଅଫର ୧ଜାନୁଆରୀ ପର୍ଯ୍ୟନ୍ତ ଥିଲା । ଏବେ ଏହି ଅଫରକୁ ଜାନୁଆରୀ ୩୧କୁ ବୃଦ୍ଧି କରାଯାଇଛି ।
