ନିମାପଡ଼ା (ବଡ଼ ଖବର ବ୍ୟୁରୋ): ପ୍ରତିଶୃତିରେ ବିତିଲା ୨୦ ମାସ । ଘର ମିଳିବା ତ ଦୂରର କଥା ବାତ୍ୟା ପରେ ଯୋଗାଇ ଦିଅ।ଯାଇଥିବା ସହୟତା ରାଶିରୁ ଟଙ୍କାଟିଏ ମଧ୍ୟ ପାଇଲେ ନାହିଁ ବାତ୍ୟା ବିପନ୍ନ । ଶେଷରେ ଭାଗ୍ୟ ଓ ଭଗବାନଙ୍କ ଭରଷାରେ ପଲିଥିନ ତଳେ ଦିନ କାଟୁଛନ୍ତି ନିମାପଡ଼ା ଭୋଦର ପଞ୍ଚାୟତ ଗୋପାଳପୁର ଦଳିତ ସାହିର ଅ।ଠରୁ ଉର୍ଦ୍ଧ ପରିବାର । ଗରିବ ଓ ଅସହାୟଙ୍କ ଲାଗି ସରକାର ବିଭିନ୍ନ ଆବାସ ଯୋଜନା ଘୋଷଣା କରିଥିବା ବେଳେ ଏମାନେ କିନ୍ତୁ ସମସ୍ତ ମୌଳିକ ସମସ୍ୟାରୁ ବଞ୍ଚିତ ଅଛନ୍ତି । ରାଜନେତାଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକ।।ରୀ ବିପନ୍ନ ପରିବାରଙ୍କୁ ଭେଟି କେବଳ ପ୍ରତିଶ୍ରୃତି ଦେଉଛନ୍ତି । କିନ୍ତୁ କେହି ବି ଏମାନଙ୍କ ଦୁଃଖ ଶୁଣୁନଥିବା ଅଭିଯୋଗ କରିଛନ୍ତି ଏହି ଦଳିତ ପରିବାର । ହାଡ଼ଭଙ୍ଗା ଶୀତରେ ଏମାନେ ଭଙ୍ଗା ଦଦରା ଘରେ ଅତି ଦୟନୀୟ ଭାବେ ଦିନ କାଟୁଛନ୍ତି । ସବୁବେଳେ ରହୁଛି ସାପ କଣ୍ଟିଆର ଭୟ । ତେବେ ସରକାରୀ ସହାୟତାକୁ ଏମାନେ ଚାତକ ଭଳି ଚାହିଁ ରହିଛନ୍ତି ।
