ଶ୍ରୀକ୍ଷେତ୍ରରେ ଭିଡ଼, ଶ୍ରୀମନ୍ଦିର ଖାଲି: ବାରିକେଟ କମାଅ

ପୁରୀ(ବଡ଼ ଖବର ବ୍ୟୁରୋ): ଦୀର୍ଘ ୯ ମାସ ପରେ ସର୍ବସାଧାରଣଙ୍କ ପାଇଁ ଖୋଲିଛି ଶ୍ରୀମନ୍ଦିର । ଗତ ୩ ତାରିଖରୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରୁଛନ୍ତି ନେଗେଟିଭ୍ ରିପୋର୍ଟ ଧରି ଆସିଥିବା ଶ୍ରଦ୍ଧାଳୁ । ପ୍ରତ୍ୟେକ ଦିନ ୧୭ହଜାର ଭକ୍ତଙ୍କ ପାଇଁ ପ୍ରଶାସନ ବାରିକେଟର ବ୍ୟବସ୍ତା କରିଥିବାବେଳେ ଗତ ୪ ଦିନ ହେବ ଭକ୍ତସଂଖ୍ୟା ୫ ହଜାର ଛୁଇଁନି । ଶ୍ରୀକ୍ଷେତ୍ରରେ ପ୍ରତ୍ୟେକ ଦିନ ଭିଡ଼ ଲାଗୁଛି ସତ । ହେଲେ ଶ୍ରୀମନ୍ଦିର ଖାଁ ଖାଁ । କାରଣ ଜଗା ଦର୍ଶନ ପାଇଁ ପୁରୀକୁ ଲୋକଙ୍କ ସୂଅ ଛୁଟୁଥିବା ବେଳେ କୋଭିଡ ରିପୋର୍ଟ ଅଭାବରୁ ଶ୍ରୀମନ୍ଦିରର ସିଙ୍ଘଦ୍ୱାରରୁ ନିରାଶହୋଇ ଫେରୁଛନ୍ତି ଭକ୍ତ । ଅନ୍ୟ ପକ୍ଷରେ ୧୭ ହଜାର ଶ୍ରଦ୍ଧାଳୁଙ୍କ ପାଇଁ ଲଗାଯାଇଥିବା ବାରିକେଟ ଦେଇ ଏବେ ମାତ୍ର ୫ ହଜାର ଶ୍ରଦ୍ଧାଳୁ ମହାପ୍ରଭୁଙ୍କ ଦର୍ଶନ ପାଇଁ ଯାଉଛନ୍ତି । ଯାହାଫଳରେ ଅଜଥାରେ ଶ୍ରଦ୍ଧାଳୁ ମାନଙ୍କୁ ବାରିକେଟଦେଇ ଦୀର୍ଘବାଟ ଚାଲିବାକୁ ପଡୁଛି ।