ଚାନ୍ଦ ପାଇଗଲା ହସିନା ସୁନ୍ଦରୀ

ଛତିଶଗଡ(ବଡ଼ ଖବର): ସାଧାରଣତ ସବୁ ବିବାହରେ ଗୋଟିଏ କନିଆଁ ଓ ଗୋଟିଏ ବର ଥାନ୍ତି । ଛତିଶଗଡର ବସ୍ତର ଗ୍ରାମରେ ଏମିତି ଏକ ନିଆରା ବିବାହ ଦେଖିବାକୁ ମିଳିଛି ଯେଉଁଠି ଗ୍ରାମବାସୀଙ୍କ ଉପସ୍ଥିତିରେ ସର୍ବସମ୍ମତ୍ତିକ୍ରମେ ଯୋଡି କନିଆଁଙ୍କ ସହ ଜଣେ ବ୍ୟକ୍ତିଙ୍କର ବିବାହ ହୋଇଛି । ଏହି ବିବାହର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ଲୋକଙ୍କ ମନରେ କୌତୁହଳ ସୃଷ୍ଟି କରିଛି।

ହିନ୍ଦୁ ବିବାହ ଆଇନ ଅନୁଯାୟୀ, ଦୁଇ ପତ୍ନୀ ରହିବା ବେଆଇନ ଅଟେ। ହସିନା ଏବଂ ସୁନ୍ଦରୀ ଉଭୟ – ବର ଚାନ୍ଦ ମୌର୍ୟ୍ୟକୁ ପ୍ରେମ କରୁଥିଲେ । ପରବର୍ତ୍ତୀ ସମୟରେ ଉଭୟ ହସିନା ଓ ସୁନ୍ଦରୀ ଦୁଇଜଣ ଗୋଟିଏ ବାହାବେଦୀରେ ଚାନ୍ଦ ମର୍ୟ୍ୟକୁ ବିବାହ କରିଛନ୍ତି। ଚାନ୍ଦ ଦୁଇ ପତ୍ନୀ ହସିନା ଓ ସୁନ୍ଦରୀଙ୍କୁ ପାଇ ବେଶ ଖୁସିଥିବା କହିଛନ୍ତି । ଚାନ୍ଦ ଦାବି କରିଛନ୍ତି ଯେ ଉଭୟ ମହିଳା ଏକାଠି ରହିବାକୁ ପ୍ରସ୍ତୁତ ଅଛନ୍ତି। ସେମାନେ “ଚାଷ” କରିବେ ଏବଂ ଏକାଠି ଜୀବନ ବିତାଇବେ ବୋଲି ନିସ୍ପତ୍ତି ନେଇଛନ୍ତି । ସେ ଆହୁରି ମଧ୍ୟ କହିଛନ୍ତ ‘ମୁଁ ଉଭୟଙ୍କୁ ପସନ୍ଦ କରୁଥିଲି ଏବଂ ସେମାନେ ମଧ୍ୟ ମୋତେ ପସନ୍ଦ କରୁଥିଲେ। ଆମେ ସମସ୍ତ ଗ୍ରାମବାସୀଙ୍କ ସାମ୍ନାରେ ସହମତି ଭାବରେ ବିବାହ କରିଥିଲୁ। ତଥାପି ମୋର ଜଣେ ପତ୍ନୀଙ୍କ ପରିବାର ସଦସ୍ୟ ଆମ ବିବାହ କାର୍ୟ୍ୟରେ ଆସିନଥିଲେ।