ନୂଆଦିଲ୍ଲୀ (ବଡ଼ ଖବର): କୃଷି ଆଇନ ଓ ଚାଷୀ ଆନ୍ଦୋଳନ ନେଇ ଅସନ୍ତୋଷ ପ୍ରକାଶ କଲେ ସୁପ୍ରିମକୋର୍ଟ । କେନ୍ଦ୍ରକୁ ଭର୍ତ୍ସନା କରି ସମାଧାନର ବିଳମ୍ବ ପାଇଁ ଅସନ୍ତୋଷ ପ୍ରକାଶ କରିଛନ୍ତି ମୁଖ୍ୟ ବିଚାରପତି । କେନ୍ଦ୍ର ଯଦି ସମସ୍ୟା ନେଇ ବିଳମ୍ବ କରୁଛି ତେବେ ଆମକୁ ଛାଡ ଆମେ ସମାଧାନ କରିବୁ । କୃଷି ବିଲ ବିରୋଧରେ ହୋଇଥିବା ଆବେଦନ ଉପରେ ସୁପ୍ରିମକୋର୍ଟଙ୍କ ଶୁଣାଣି ଜାରି ରହିଛି । କୌଣସି ସଂଗଠନର ଆନ୍ଦୋଳନ ଉପରେ ଆମେ ରୋକ ଲଗାଇପାରିବା ନାହିଁ ।
ଏକ ପୂରାତନ ଆଇନକୁ ବଦଳାଇବା ବେଳେ ଆନ୍ତରିକତାର ସହ ବିଚାର କରାଯିବା ଦରକାର । କାହିଁକି ଅନେକ ରାଜ୍ୟର କୃଷକ ସଂଗଠନ ଏହି କୃଷି ଆଇନ ବିରୋଧରେ । ଯାହାର ତୁରନ୍ତ ତର୍ଜମା କରାଯାଇ ଆନ୍ଦୋଳନ ବନ୍ଦ କରାଯିବା ଦରକାର । ଦୀର୍ଘ ଦିନ ଆନ୍ଦୋଳନ ଯୋଗୁଁ ଲୋକଙ୍କର ଜୀବନ ଯାଉଛି । ଯାହାକୁ ବରଦାସ୍ତ କରାଯିବନି । ତେଣୁ କେନ୍ଦ୍ର ସରକାର ଗୁରୁତର ସହ ଏହାକୁ ବିଚାର କରିବା ଦରକାର । ଯଦି ଅକ୍ଷମ ଏହି କ୍ଷେତ୍ରରେ ସୁପ୍ରିମକୋର୍ଟ ହସ୍ତକ୍ଷେପ କରିବାରେ କେନ୍ଦ୍ର ସରକାର ଅସହମତ କି । ନୂତନ ଆଇନର ତର୍ଜମା ପାଇଁ କେନ୍ଦ୍ର ଯଥାଶ୍ରୀଘ୍ର ଏକ କମିଟି ବନାଉ । କମିଟି ରିପୋର୍ଟ ଆସିବା ପର୍ଯ୍ୟନ୍ତ କୌଣସି ସମାଧାନର ବାଟ ଖୋଜିବାକୁ କେନ୍ଦ୍ର ଯତ୍ନବାନ ହେବା ଦରକାର ବୋଲି ମୁଖ୍ୟ ବିଚାରପତି କହିଛନ୍ତି ।
