ଭୁବନେଶ୍ୱର (ବଡ଼ ଖବର): ସାଧାରଣତନ୍ତ୍ର ଦିବସ ପାଳନ ନେଇ ସବୁ ଜିଲ୍ଲାର ଜିଲ୍ଲାପାଳଙ୍କୁ ଚିଠି ଲେଖିଲେ ଗୃହ ବିଭାଗ ।କୋଭିଡ କଟକଣା ଭିତରେ ଏହି ଦିବସ ପାଳନ କରିବା ନିମନ୍ତେ ଏସଓପି ଜାରି କରାଯାଇଛି । ଚଳିତ ବର୍ଷ ସାଧାରଣତନ୍ତ୍ର ଦିବସରେ ଜନ ସାଧାରଣ ଭାଗ ନେଇପାରିବେନି । ସିମିତ ଅତିଥି ଓ କରୋନା ଯୋଦ୍ଧାଙ୍କୁ ନେଇ ପାଳନ ହେବ ସାଧାରଣ ତନ୍ତ୍ର ଦିବସ । ଛାତ୍ର, ଏନସିସି କ୍ୟାଡେଟଙ୍କୁ ଚଳିତ ବର୍ଷ ବାରଣ କରାଯାଇଛି । ସକାଳ ୮ଟା୩୦ ରେ ମୁଖ୍ୟ ଅତିଥି ପତାକା ଉତ୍ତୋଳନ କରିବେ । କୋଭିଡ କଟକଣାକୁ ଦୃଷ୍ଟିରେ ରଖି କେବଳ ପୋଲିସବାହୀନି ଏଥିରେ ଅଶଂଗ୍ରହଣ କରିବେ । ସାମାଜିକ ଦୂରତା ସହ ମାକ୍ସ ବାଧ୍ୟତା ମୂଳକ କରାଯାଇଛି । ଏବଂ ଉତ୍ସବସ୍ଥଳକୁ ସାନିଟାଇଜ କରାଯିବ । ମହାମାରୀକୁ ନଜରରେ ରଖି କୌଣସି ରାଷ୍ଟ୍ରମୁଖ୍ୟଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯିବନି ବୋଲି ବିଦେଶ ମନ୍ତ୍ରାଳୟ ମୁଖପାତ୍ର ଅନୁରାଗ ଶ୍ରୀବାସ୍ତବ ସୂଚନା ଦେଇଛନ୍ତି ।
