ସେରମରେ ନିଆଁ

ପୁନେ(ବଡ଼ ଖବର ବ୍ୟୁରୋ): ପୁନେ ସେରମ୍ ଇନଷ୍ଟିଚ୍ୟୁଟ ଟର୍ମିନାଲ-୧ ରେ ଅଗ୍ନିକାଣ୍ଡ ଘଟିଛି । ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଜଣା ପଡିନାହିଁ । ୧୦ଟି ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାରେ ଲାଗିପଡିଛନ୍ତି । ସୂଚନାନୁସାରେ, ପୁନେର ମଞ୍ଜରୀରେ ଅବସ୍ଥିତ ଏସଆଇଆଇର ନୂତନ ପ୍ଲାଣ୍ଟରେ ନିଆଁ ଲାଗିଯାଇଛି । ୩୦୦ କୋଟି ଟଙ୍କା ବ୍ୟୟରେ ନିର୍ମିତ ଏହି କାରଖାନା କରୋନା ଭ୍ୟାକ୍ସିନ୍ କୋଭିସିଲ୍ଡକୁ ବହୁ ପରିମାଣରେ ଉତ୍ପାଦନ କରିବାକୁ ଯୋଜନା ରଖାଯାଇଥିଲା । ଏହି କାରଖାନାକୁ ଗତ ବର୍ଷ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ ଉଦଘାଟନ କରିଥିଲେ ।