ଭୁବନେଶ୍ୱର (ବଡ଼ ଖବର ବ୍ୟୁରୋ): ପିପିଲି ଉପ ନିର୍ବାଚନରେ କିଏ ଧରିବ ଶଙ୍ଖ । ଏକଥା ଥୟ ପ୍ରଦୀପ ମହାରଥୀଙ୍କ ପରିବାରରୁ ହିଁ ଜଣେ ହେବ ବିଜେଡି ପ୍ରାର୍ଥୀ । ତେବେ ସେ ଜଣକ କିଏ ? ତାକୁ ନେଇ ଅଙ୍କକଷା ବଢୁଛି । କାହିଁକି ନା ପ୍ରଦୀପଙ୍କ ପତ୍ନୀ ପ୍ରତିଭା ଓ ପ୍ରଦୀପଙ୍କ ପୁଅ ରୁଦ୍ର, ଉଭୟ ଚିକଟ ଆଶାୟୀ । ଏତିକି ବେଳେ ବିଜେଡି ଚଳାଇଛି ଗୋଟି । ପୂର୍ବରୁ ବିଧାୟକ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ୱ ଦିଆଯାଇଥିଲା । ଆଉ ମଙ୍ଗଳବାର ପିପିଲିରୁ ରାଜଧାନୀ ଆସିଥିଲେ ଶଙ୍ଖ ଦଳରୁ ଜିତିଥିବା ତୃଣମୂଳସ୍ତରର ଜନପ୍ରତିନିଧିମାନେ । ସଙ୍ଗଠନ ପାଇଁ କାମ କରୁଥିବା ନେତା, କର୍ମୀମାନେ ବି ଥିଲେ । ପର୍ଯ୍ୟବେକ୍ଷକଙ୍କୁ ଭେଟି ଉପନିର୍ବାଚନ ପ୍ରାର୍ଥୀ ସଂପର୍କରେ ଆଲୋଚନା କରିଥିଲେ ।
