ହସ୍ପିଟାଲ ଆସିବାକୁ ଦରକାର ନାହିଁ କୋଭିଡ଼ ରିପୋର୍ଟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବଦଳିଲା ଜାତୀୟ କୋଭିଡ୍ ନୀତି । କୋଭିଡ୍ ସ୍ଥିତି ଦେଖି ନୀତି ବଦଳାଇଲେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ହସ୍ପିଟାଲରେ କୋଭିଡ୍ ରୋଗୀ ଭର୍ତ୍ତି ପାଇଁ ନିୟମ ବଦଳିଛି । କୋଭିଡ୍ ହସ୍ପିଟାଲରେ ଭର୍ତ୍ତି ହେବା ପାଇଁ ପଜିଟିଭ ଟେଷ୍ଟ ବାଧ୍ୟତାମୂଳକ ନୁହେଁ । ରୋଗୀ ଯେକୌଣସି ସ୍ଥାନରେ ହୋଇଥିଲେ ମଧ୍ୟ ଡାକ୍ତରଖାନାରେ ଭର୍ତ୍ତି ହୋଇପାରିବେ ।

ଅକ୍ସିଜେନ ସହ ଅତ୍ୟାବଶ୍ୟକ ଔଷଧ ଦରକାର ହେଲେ ରୋଗୀଙ୍କୁ ଦିଆଯାଇପାରିବ । କୌଣସି ରୋଗୀଙ୍କୁ ସେବା ଦେବା ପାଇଁ ମନା କରିପାରିବେ ନାହିଁ ହସ୍ପିଟାଲ । ରୋଗୀଙ୍କ ସ୍ୱାସ୍ଥ୍ୟ ଆବଶ୍ୟକତାକୁ ଦୃଷ୍ଟିରେ ରଖି ସେବା ଯୋଗାଇ ଦିଆଯିବ ।