ଶନିବାର ଚକାଜାମ୍
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆସନ୍ତାକାଲି ଦେଶରେ ଚକାଜାମ କରିବ ଚାଷୀ ସଂଗଠନ । କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି ବନ୍ଦର ଡାକରା ଦେଇଛନ୍ତି ଚାଷୀ । ତେବେ ଏହି ଚକାଜାମ ଶାନ୍ତିପୂର୍ଣ୍ଣ ହେବାନେଇ କହିଛନ୍ତି ଭାରତୀୟ କିଷାନ ୟୁନିଅନ ନେତା ରାକେଶ ଟିକାୟତ । ହେଲେ ଦିଲ୍ଲୀରେ ହେବ ନାହିଁ ଚକା ଜାମ ।
ତେବେ ଆସନ୍ତାକାଲି ଓଡିଶାରେ ମଧ୍ୟ ଅଖ ଜାମ ଡାକରା ଦେଇଛି ନବ ନିର୍ମାଣ କୃଷକ ସଂଗଠନ । ଦିନ ୧୨ଟାରୁ ଅପରାହ୍ଣ ୩ଟା ପର୍ୟ୍ୟନ୍ତ ରାଜ୍ୟରେ ଶାନ୍ତିପୂର୍ଣ୍ଣ ଆନ୍ଦୋଳନ କରିବ ନବ ନିର୍ମାଣ କୃଷକ ସଂଗଠନ । ରାସ୍ତାରେ ବିକ୍ଷୋଭ ପ୍ରଦର୍ଶନ କରାଯିବା ସହିତ କୃଷି ବିଲ ହେବା ଦ୍ୱାରା ଚାଷୀ କେତେ ଅସୁବିଧାର ସମ୍ମୁ୍ଖିନ ହେବ ସେନେଇ ଲୋକମାନଙ୍କୁ ସଚେତନ କରାଇବ । ଅନ୍ୟପଟେ ଏହି ଚକାଜାମକୁ ସମର୍ଥନ କରିଛି କଂଗ୍ରେସ ।