ଭୁବନନେଶ୍ୱର, (ବଡ଼ ଖବର ବ୍ୟୁରୋ) ବସନ୍ତରେ ବୈଶାଖର କଷ୍ଟ । ଡହଡହ ଖରାରେ ସିଝୁଛି ସାରା ଓଡ଼ିଶା । ଉପାନ୍ତରୁ ଉପକୁଳ ସବୁଠି ଅସହ୍ୟ ତାତି । ଦିନ ୧୦ଟା ପରଠାରୁ ପଦାକୁ ବାହାରିବାକୁ ଲାଗୁଛି ଡର । ଝାଞ୍ଜି ହାୱା ସାଙ୍ଗକୁ ଅସହ୍ୟ ଗୁଳୁଗୁଳି । ଲଗାତାର ଚାରିଦିନ ହେବ ଅସହ୍ୟ ଖରାରେ ସିଝୁଛି ଓଡ଼ିଶା । ରାଜଧାନୀ ଭୁବନେଶ୍ୱର ସମେତ ଅନୁଗୁଳ ଓ ବୌଦ୍ଧରେ ପାରଦ ୪୦ଡିଗ୍ରୀ ଟପିଛି । ରାଜ୍ୟରେ ତୃତୀୟ ସର୍ବାଧିକ ଉତପ୍ତ ସହର ହେଉଛି ବାରିପଦା । ବାରିପଦାରେ ଆଜି ସର୍ବାଧିକ ତାପମାତ୍ରା ୩୯.୪ ଡିଗ୍ରୀ ରେକର୍ଡ କରାଯାଇଛି । କଟକରେ ମଧ୍ୟ ପାରଦ ୩୯.୨ ଡିଗ୍ରୀ ରହିଥିଲା । ସେହିପରି ଚାନ୍ଦବାଲି, ନାୟାଗଡ, ସୋନପୁର,ବଲାଙ୍ଗିର, ଟିଟଲାଗଡ, ତାଳଚେର ଓ ସମ୍ବଲପୁରରେ ତାପମାତ୍ରା ୩୮ ଡିଗ୍ରୀ ଉପରେ ରହିଥିଲା । ଅନ୍ୟପଟେ ଭବାନିପାଟଣାରେ ପାରଦ ୩୭.୫ ଡିଗ୍ରୀ, ହୀରାକୁଦରେ ୩୭.୬, ମାଲକାନଗିରିରେ ୩୬.୫ ସୁନ୍ଦରଗଡରେ ୩୬.୫ ଝାରସୁଗୁଡାରେ ୩୬.୭ ଡିଗ୍ରୀ ତାପମାତ୍ରା ଥିବା ରେକର୍ଡ କରାଯାଇଛି ।
ଆଗାମୀ ପାଞ୍ଚଦିନ ଧରି ଗ୍ରୀଷ୍ମ ପ୍ରବାହ ଜାରି ରହିବ ବୋଲି ଅଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି ।
