ଡେଙ୍ଗୁକୁ ନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକଙ୍କ ବଡ ସୂଚନା

ଭୁବନେଶ୍ୱର(ବଡ଼ ଖବର ବ୍ୟୁରୋ): ଏବେ ଡେଙ୍ଗୁ କବଳରେ ରାଜ୍ୟର ୩୦ଟି ଜିଲ୍ଲା । ବର୍ତ୍ତମାନ ଚାଲିଛି ପିକ ପିରିୟଡ । ସେପ୍ଟେମ୍ବର ଯାଏଁ ଏହି ପିକ ପିରିୟଡ ଚାଲିବ ବୋଲି ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । କ୍ୟାପିଟାଲ ହସ୍ପିଟାଲରୁ ଲୋଡ କମାଇବା ପାଇଁ ଏବେ ଆଉ ୩ଟି ଯାଗାରେ ହେବ ଡେଙ୍ଗୁପରୀକ୍ଷା ।

ଡେଙ୍ଗୁ ସାଧାରଣତଃ ୩ ପ୍ରକାରର ରହିଥିବାବେଳେ ଏବେ ଟାଇପ-୨ ଚାଲିଛି । ଲୋକଙ୍କୁ ଆତଙ୍କିତ ନହେବାକୁ ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ । ଡେଙ୍ଗୁରୋଗୀଙ୍କ ସଂଖ୍ୟା ବଢୁଥିବାବେଳେ ୭୦ ପ୍ରତିଶତ ନମୁନା ଡେଙ୍ଗୁ-୨ ଚିହ୍ନଟ ହୋଇଥିବା ନେଇ ସୂଚନା ଦେଇଛନ୍ତି ଆରଏମଆସି ନିର୍ଦ୍ଦେଶିକା ସଂଘମିତ୍ରା ପତି ।