ବିବାଦରେ ମୋଦୀଙ୍କ ଫଟୋ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):କୋଭିଡ ସାର୍ଟିଫିକେଟରେ ପ୍ରଧାନମନ୍ତ୍ରୀ ମୋଦୀଙ୍କ ଫଟୋକୁ ନେଇ ନୂଆ ବିବାଦ ଆରମ୍ଭ ହୋଇଛି । ସାରା ଦେଶରେ କୋଭିଡ ଟିକାକରଣର ଦ୍ୱିତୀୟ ପର୍ଯ୍ୟାୟ ଜାରି ରହିଥିବା ବେଳେ ଟିକା ନେଉଥିବା ବ୍ୟକ୍ତିମାନଙ୍କୁ ପ୍ରମାଣପତ୍ର ପ୍ରଦାନ କରାଯାଉଛି । ଏହି ପ୍ରମାଣପତ୍ରରେ ମୋଦିଙ୍କ ଏକ ଫଟୋ ରହିଛି । ଏଥିରେ ଲେଖାଯାଇଛି, ଏକାଠି ଲଢିଲେ ଭାରତ କରୋନା ବିରୋଧୀ ଲଢେଇରେ ଜିତିବ । ସେହିପରି ଟିକା ସହ ସର୍ତକତା ମଧ୍ୟ ଜରୁରୀ ବୋଲି ଲେଖାଅଛି ।

ତେବେ ଏହାକୁ ନେଇ ଆପତ୍ତିି ଉଠାଇଛନ୍ତି ଟିଏମସି । ନିର୍ବାଚନ କମିଶନଙ୍କ ଦ୍ୱାରସ୍ଥ ହେବ ତୃଣମୂଳ କଂଗ୍ରେସ । ଏହାକୁ ପବ୍ଲିସିଟି ଷ୍ଟଂଟ କହିଛନ୍ତି ଟିଏମସି ସାଂସଦ ଶାନ୍ତନୁ ସେନ୍ । ନିର୍ବାଚନ ଆଚରଣ ବିଧିର ଉଲଙ୍ଘନ, ଲୋକଙ୍କ ଟଙ୍କାରେ ନିଜସ୍ୱ ପ୍ରଚାର କରୁଛନ୍ତି ମୋଦୀ ବୋଲି ଟିଏମସି କହିଛି । ବିଧାନସଭା ନିର୍ବାଚନ ପୂର୍ବରୁ ଟିଏମସିକୁ ମିଳିଗଲା ବଡ ପ୍ରସଙ୍ଗ । ସେପଟେ ପଶ୍ଚିମବଙ୍ଗରେ ଟିଏମସି ବିଜେପି ମଧ୍ୟରେ ହେଉଛି କଡା ମୁକାବିଲା ।