କୋଲକତା(ବଡ଼ ଖବର ବ୍ୟୁରୋ): କୋଲକତାର ରେଳବାଇ ବିଲ୍ଡିଂରେ ଅଗ୍ନିକାଣ୍ଡ । ପ୍ରଧାନମନ୍ତ୍ରୀଙ୍କ ଶୋକପ୍ରକାଶ । ଅଗ୍ନିକାଣ୍ଡରେ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ବହୁ ଲୋକ ଗୁରୁତର ହୋଇଛନ୍ତି । ମୃତ ବ୍ୟକ୍ତିଙ୍କ ପରିବାରକୁ ପ୍ରଧାନ ମନ୍ତ୍ରୀ ସମବେଦନା ଜଣାଇଛନ୍ତି । ମ ଗୁରୁତରଙ୍କ ଆଶୁ ଆରୋଗ୍ୟ କାମନା କରିଛନ୍ତି ପିଏମ ମୋଦି । ମୃତକ ଓ ଆହତଙ୍କ ପରିବାର ପାଇଁ ମଧ୍ୟ ଅନୁକମ୍ପାମୂଳକ ସହାୟତା ରାଶି ଘୋଷଣା କରିଛନ୍ତି ।
ସୋମବାର ସନ୍ଧ୍ୟାରେ ହୁଗୁଳି ନଦୀ କୂଳରେ ଥିବା ପୂର୍ବାଞ୍ଚଳ ଓ ଉତ୍ତରାଞ୍ଚଳ ରେଳବିଭାଗର ହାଉସ ଜୋନାଲ ଅଫିସ ଥିବା ନ୍ୟୁ କୋୟଲାଘାଟର ବିଲ୍ଡିଂରେ ନିଆଁ ଲାଗିଥିଲା । ସଟସର୍କିଟ ଯୋଗୁଁ ନିଆଁ ଲାଗିଥିବାବେଳେ ଏଥିରେ ୪ ଜଣ ଅଗ୍ନିଶମ କର୍ମଚାରୀ, ୨ ସିଆରପିଏଫ ଯବାନ, ରେଲ କର୍ମଚାରୀ ସମେତ ୯ ଜଣଙ୍କ ମୃତ୍ୟୁ ହୋଇଥିଲା । ପ୍ରଧାନମନ୍ତ୍ରୀ ମୋଦି ପ୍ରତି ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଘୋଷଣା କରିଛନ୍ତି । ଗୁରୁତରଙ୍କ ପାଇଁ ୫୦ ହଜାର ଟଙ୍କା ପ୍ରଦାନ କରାଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ପ୍ରଧାନମନ୍ତ୍ରୀ ଜାତୀୟ ରିଲିଫ ଫଣ୍ଡରୁ ଏହି ସହାୟତା ଦିଆଯିବ। ମୁଖ୍ୟମନ୍ତ୍ରୀ ମମତା ବାନାର୍ଜି ମଧ୍ୟ ଘଟଣାସ୍ଥଳରେ ପହଞ୍ଚି ସ୍ଥିତି ପରଖିଛନ୍ତି । ମୃତକଙ୍କ ପରିବାରକୁ ଗଭିର ସମବେଦନା ଜଣାଇବା ସହ ୧୦ଲକ୍ଷ ଲେଖାଏଁ ସହାୟତା ଘୋଷଣା କରିଛନ୍ତି ।
