ପୁରୀ (ବଡ଼ ଖବର ବ୍ୟୁରୋ): ଆଜିଠୁ ଶ୍ରୀମନ୍ଦିର ସେବାୟତଙ୍କୁ ଦିଆଯିବ କୋଭିଡ-୧୯ ଟିକା । ଲୋକନାଥ ରୋଡ ସ୍ଥିତ ପ୍ରତିହାରୀ ନିଯୋଗର ବୈଠକ ଗୃହରେ ସେବାୟତମାନଙ୍କୁ ଦିଆଯିବ ଟିକା। ଜିଲ୍ଲାପାଳଙ୍କ ଉପସ୍ଥିତିରେ ସମସ୍ତ ସେବାୟତମାନଙ୍କୁ ଟିକା ଦିଆଯିବ । ଟିକାକରଣ କାଯ୍ୟକ୍ରମ ଦିନ ୧୦ଟାରୁ ଅପରାହ୍ନ ୫ଟା ପଯ୍ୟନ୍ତ ଚାଲିବ । ତେବେ ୬୦ ବର୍ଷରୁ ଅଧିକ ବୟସ୍କ ସେବାୟତଙ୍କୁ ଦିଆଯିବ କରୋନା ଟିକା ।
ଯେଉଁ ସେବାୟତମାନଙ୍କର ଡାଇବେଟିସ, ଉଚ୍ଚ ରକ୍ତଚାପ, କ୍ୟାନସର ଥିବ ସେମାନେ ମଧ୍ୟ ରୋଗ ସମ୍ବନ୍ଧରେ ଜଣାଇ ଟିକା ନେଇପାରିବେ । ଦୈନିକ ୧୦୦ ଜଣ ସେବାୟତଙ୍କୁ ଟିକା ପ୍ରଦାନ କରାଯିବା ନେଇ ହୋଇଛି ବ୍ୟବସ୍ଥା । ଶ୍ରାମନ୍ଦିର ପ୍ରଶାସନ ପକ୍ଷରୁ ସୂଚନା । କେବଳ ପୁରୁଷ ସେବାୟତଙ୍କୁ ଏହି ସୁବିଧା ଉପଲବ୍ଧ କରାଯିବ। ରାଜ୍ୟରେ ଖରା ବଢୁଥିବାରୁ ଟିକାଦାନ କେନ୍ଦ୍ର ବୃଦ୍ଧି କରାଯାଇଛି। ଏବେ ରାଜ୍ୟର ୭୦୦ଟି କେନ୍ଦ୍ରରେ ଟିକାଦାନ କରାଯାଉଛି।
ସ୍ୱାସ୍ଥ୍ୟ କର୍ମୀ ଓ ସମ୍ମୁଖ ଯୋଦ୍ଧାଙ୍କୁ ଟିକାଦାନ ଟାର୍ଗେଟ୍ ପାଖାପାଖି ପହଞ୍ଚି ଯାଇଛି। ଏଣିକି ରବିବାର ଓ ଛୁଟି ଦିନ ବ୍ୟତୀତ ସବୁଦିନ ଟିକା ଦିଆଯିବ ବୋଲି କରୋନା ପରିବାର କଲ୍ୟାଣ ନିର୍ଦ୍ଦେଶକ କହିଥିଲେ।
