ପିପିଲି ଉପନିର୍ବାଚନ,୩୦ ସୁଦ୍ଧା ନାମାଙ୍କନ
ପିପିଲି(ବଡ଼ ଖବର ବ୍ୟୁରୋ): ଘୋଷଣା ହୋଇଛି ନିର୍ବାଚନ ତାରିଖ । ନାମାଙ୍କନପତ୍ର ଦାଖଲ ନେଇ ଜାରି ହୋଇଛି ନିର୍ଦ୍ଦେଶାବଳୀ । ୩୦ ତାରିଖ ସୁଦ୍ଧା ହେବ ନାମାଙ୍କନପତ୍ର ଦାଖଲ । ଏନେଇ ଆରମ୍ଭ ହୋଇଗଲାଣି ରାଜନୈତିକ ଛକାପକ୍କା । ଅନ୍ୟପଟେ ପିପିଲିର ଗଡ ହାତେଇବାକୁ ବିଜେଡି ଆରମ୍ଭ କରିଛି ରୋଡ ମ୍ୟାପ । ତୃଣମୂଳସ୍ତରର କର୍ମୀଙ୍କୁ ଏକଜୁଟ କରି ନିର୍ବାଚନ ପାଇଁ ଦଳପକ୍ଷରୁ କରାଯାଇଛି ରୁଦ୍ଧଦ୍ୱାର ବୈଠକ । ଦଳ ପକ୍ଷରୁ ନୂଆ ମୁହଁକୁ ମିଳିପାରେ ସୁଯୋଗ ।
ନବୀନଙ୍କ ଭାବମୂର୍ତ୍ତିକୁ ଆଧାରକରି ନୂଆ ମୁହଁ ନେଇ ଜୋରଦାର ଚାଲିଛି ତର୍ଜମା । ଅନ୍ୟପଟେ ୨୪ଘଣ୍ଟା ନପୁରୁଣୁ ପୁଣି ଥରେ ପିପିଲିର ଏନଏସି ଓ ମ୍ୟୁନିସିପାଲଟିର କିଛି କର୍ମୀଙ୍କୁ ଏହି ଦାଇତ୍ୱ ଦିଆଯାଇଛି । ଶନିବାର ପ୍ରତାପ ଦେବେ ପିପିଲି ଯାଇଥିବା ବେଳେ ବେଗୁନିଆ ବିଧାୟକ ରାଜେନ୍ଦ୍ର ସାହୁ, ଢେଙ୍କାନାଳ ବିଧାୟକ ସୁଧୀର କୁମାର ସାମଲ, ବିଧାୟକ ସଂଞ୍ଜିବ ମଲ୍ଲିକଙ୍କ ସମେତ ଅନ୍ୟମାନେ ପହଞ୍ଚି ସ୍ଥାନୀୟ ଲୋକଙ୍କ ସହ କଥାବାର୍ତ୍ତା ହୋଇଛନ୍ତି । ଦଳୀୟ ସୁପ୍ରିମୋ ଯାହାକୁ ଟିକେଟ ଦେବେ ତାଙ୍କୁ ଦଳ ସମର୍ଥନ କରିବେ ବୋଲି କହଇଛନ୍ତି ବହୁ ନେତା ।