ରାୟଗଡା(ବଡ଼ ଖବର ବ୍ୟୁରୋ): ରାୟଗଡା ସହରର ଡିଆଇବି ଛକ ଠାରେ ଗାଡି ଯାଞ୍ଚ ବେଳେ ଜଣେ ସ୍କୁଟି ଚାଳକ ଧରାପଡିଥିଲେ । ଜେକେପୁର ଥାନା ବିସିପୁର ରୋଡ଼ରେ ରହୁଥିବା ସ୍କୁଟି ଚାଳକ ୱାଇ. ସାଗର ଦ୍ରୁତ ଗତିରେ ଗାଡି ଚଳାଉଥିବା ବେଳେ ସହରର ଡିଆଇଭି ଛକ ନିକଟରେ ପରିବହନ ବିଭାଗ କର୍ମଚାରୀମାନେ ଅଟକାଇଥିଲେ ।
ସ୍କୁଟି ଚାଳକ ସାଗର ହେଲମେଟ ପିନ୍ଧି ନଥିବା ବେଳେ ଡ୍ରାଇଭିଂ ଲାଇସେନ୍ସେ ବି ତାଙ୍କର ନଥିଲା। ଅନ୍ୟାନ୍ୟ କାଗଜପତ୍ର ବି ନଥିଲା । ଏବାବଦକୁ ପରିବହନ ବିଭାଗର ଏମଭିଆଇ ଅଶୋକ କୁମାର ପାଣିଗ୍ରାହୀ ଓ ରାୟଗଡ଼ା ଥାନା ଅଧିକାରୀ ନିହାର ରଞ୍ଜନ ପ୍ରଧାନ ସାଗରଙ୍କୁ ନିୟମ ଉଲ୍ଲଂଘନ ଅଭିଯୋଗରେ ଜରିମାନା କରାଯାଇଥିଲା । ୧୦୦ କି ହଜାରେ ନୁହେଁ, ୧୮ ହଜାର ୫୦୦ ଜରିମାନା ପକାଯାଇଛି ।
