ମାସେ ପରେ ମିଳିଲା କଙ୍କାଳ

ବାଲିଗୁଡା (ବଡ଼ ଖବର ବ୍ୟୁରୋ ): ମାସେ ପରେ ଜଙ୍ଗଲରୁ ମିଳିଲା ଗଳିତ କଙ୍କାଳ। କନ୍ଧମାଳ ଜ଼ିଲ୍ଲା ବାଲିଗୁଡା ଥାନା ଅନ୍ତର୍ଗତ ରେବିଙ୍ଗିଆ ଜଙ୍ଗଲରୁ ଗୁରୁବାର ଗଳିତ କଙ୍କାଳ ଉଦ୍ଧାର କରାଯାଇଛି। ଗତ ମାସ ୨୨ ତାରିଖରୁ କୁଟିଗୁଡ଼ା ଗାଁର ଟିକୁନୁ ଗୌଡ ନାମକ ଜଣେ ଵ୍ୟକ୍ତି ନିଖୋଜ ଥିଲେ । ଘର ଲୋକେ ବହୁତ ଖୋଜା ଖୋଜି ପରେ କୌଣସି ସନ୍ଧାନ ନ ମିଳିବାରୁ ଘର ଲୋକେ ବାଲିଗୁଡା ଥାନାରେ ଅଭିଯୋଗ କରିଥିଲେ ।

ଆଜି ରେବିଙ୍ଗିଆ ଜଙ୍ଗଲରେ ଦୁର୍ଗନ୍ଧ ହେବାରୁ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ବାଲିଗୁଡା ପୋଲିସ ପହଞ୍ଚି ତଦନ୍ତ କରୁଛି । ପରିପାଶ୍ୱ ଅବସ୍ଥାକୁ ଦେଖି ପରିବାର ଲୋକେ ଶବକୁ ଚିହ୍ନଟ କରିଛନ୍ତି । ଜମି ବାଡ଼ିକୁ କେନ୍ଦ୍ରକରି ସମ୍ପର୍କୀୟମାନେ ହତ୍ୟା କରିଥାଇପାରନ୍ତି ବୋଲି ପରିବାର ଲୋକେ ଅଭିଯୋଗ କରିଛନ୍ତି । ତେବେ ତଦନ୍ତ ପରେ ସବିଶେଷ ତଥ୍ୟ ଜଣାପଡିବ ବୋଲି ବାଲିଗୁଡା ପୋଲିସ କହିଛି ।